Mberaand 9:10 - NQAARIIT NE ROOG

¹⁰ fo pindel ke ndefna fa nuun a ñoowaa, xotitna no tiiƭ ke boo no cegel ke fo muumeen ke fop took lanq ke fo fop ke sutoorna na kaal ale, muumeen ke no lanq ke fop.

Mberaand 9:10 Referans Kwoze

Yoona 4:11

Ii, soo o bug’u um fañ o yirim a Niniif, teeru fa maak fee saqna kaa hupna mboƥ cuni teemeed fo mboƥ cuni qarɓeen ƭik naa mbaageerna o anddirand a ñamaak den fo a canoon den, ne’atiim cegel mayu!»

A kim a tedu ke 145:9

O Yaal oxe kaa faax no fop, a yirmaa ke ta sakna fop.

Mberaand 8:1

Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox.

Mberaand 9:9

«Mi koy, xam dalin fa nuun ngiɓoor, dalnin fo xa taan nuun

Mberaand 9:11

Dalnaam ngiɓoor es fa nuun. Njer nuu refna saŋkitkataand poofi ke no jaɓ ole, too o jaɓ jegkatee ndax ta yaq lanq ke.»

Mberaand 8:19

Muumeen ke fop fo ƥood ke fop fo tiiƭ ke fop fo ke na yo’nooxaa took lanq ke, o xos oluu refna teen a sutooxa a kaal ale.

Hoose 2:20

A koom, xam dalnan a den ngiɓoor fo muumeen-a-koƥ ke fo tiiƭ ke fo ƥood ke no lanq ke. Xam ɓol kam saax le a qali le fo laƥ ne, ndax xire jibkatee, soo fi da ngen no yaadax.