Mberaand 8:22 - NQAARIIT NE ROOG

²² Feek lanq ke we maadaa, a tuup fo a saxad, a ƥuuɓ fo a sumaan, ñaal fo o yeng ñakkatee muk.»

Mberaand 8:22 Referans Kwoze

Saak 5:7

Fog es, ten taxu mexe layaa a nuun, nu muñ boo na waxtu faa o Yaal oxe a nomtooxiidkaa mene. Nandyo fo o qooxoox: Ngam a fadangaa, o qooxoox kaa duufaa, soo a ref no cungaa bes faa a teƥ a ɓogkaa a cun ake.

Yeremi 5:24

Layee taa kam den ee: ‹Fat i saɗar o Yaal oxe Roog in, ten oxe na ci’taa a teƥ na waxtu um, ta ref na sarandam fo no seek o deɓ, soo a kesan a in a pe ake na saxad ale.›

Yeremi 31:35

Keeke o Yaal oxe a layu, ten oxe na ci’taa njeeƈ ne, ndax ta xoolandaa ñaal ne, a heblaa o nqool onqe fo xa qoor axe, ndax da nqoolandaa o yeng ole, a jumbandaa o maag ole boo a yag-ee-yag ake a ndititaa, ten oxe gon um a refna o Yaal oxe Hupna fop:

A sutax ale 34:21

Fat nu njalaa pes ɓetuu fa leng, soo na bes fa ɓetuu ƭikandeer fee nu ñootnoox. Fat nu ñootnooxaa sax na waxtu a qooq fo na waxtu a saxad.

Mberaand 45:6

Nga’angyo, xa kiid xa ƭaq axey axaa biim a refna no saax le, too a yoqahina xa kiid xa ƥetaq axaa andoona yee a qooq jegkee, ne’atiim a saxad.