Mberaand 8:21 - NQAARIIT NE ROOG

²¹ O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 8:21 Referans Kwoze

2 Korint 2:15

Kaa i ndef nen cuuraay faa Kiristaa a ɓoxotna a Roog, ndefin na Roog kam wiin we njegna a muc ale fo no we na saŋkooxaa.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

O leetar ole Pool a bindna GIMU WE NGENNA ROM 3:23

Fop a mbakaada boo a ñak o ndam onqe Roog,

Heseki’el 20:41

Xam dalin a nuun a paax nen sadax faa felaxama tuñ bo, yaa um sutitkaa a nuun a ndeer qeet ke, fokatit a nuun na saax ake nu pasarooxna. Xam tedlandooxit na nuun na kid no qeet ke.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

A paɗax ale 1:13

Fat a laxadit laaw ke fo a caf ake foofi, soo o saasadax oxe a ɓisloox fop, a doxin took o sadaxand ole. Keene xan a ref sadax fa ndoxel faa felna tuñ bo no Yaal oxe.

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

A paɗax ale 1:9

Fat o yaal sadax fee a laxadit laaw ke fo a caf ake foofi, soo o saasadax oxe a dox fop took o sadaxand ole. Keene xan a ref sadax fa ndoxel faa felna tuñ bo no Yaal oxe.

Mberaand 3:17

A laya a Aadama yee: «Feek kaa o nan o ñuxur no teef, moɗ o rim ole no ndaxar ne xañit’oonga, lanq ke a salooxe yaam wo. No ñaal ke no ñoow o ñis of fop, ŋos-ŋos tigi na taxkaa o jeg ñaamel.

YEGIL MBAAX NE YEESU ne Saŋ a bindtuuna 3:6

Kuu cer a ndimna no cer a fogu, too kuu hatna no Yiif le Roog, no ten a fogu.

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

A kim a tedu ke 58:3

Muk! Kaa nu ndiy mbi’aa njofaƭar, oraa o njakad kam saax le.

A kim a tedu ke 51:5

Anddilooxaam tooñ es, too bakaad es oxey cay mbaambir es.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

Yeremi 18:12

Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

Xa peƭit axe 20:9

An waagu o lay ee: «Dapaam xeeñ es, xool qac na bakaad»?

Ke bindeena no xe ne’eena YOB 14:4

Kaa xoolna waagee o suttel muk no kaa xoolaƭaritna nen o kiin!

A paɗax ale 1:17

Cinj kaaga, fat a ɗaañ ndiiƭ ne, a fañin o salit, a doxin took o sadaxand ole, no umb ne na xa cuuƭ axe. Keene xan a ref sadax fa ndoxel faa felna tuñ bo no Yaal oxe.»

A sutax ale 29:25

Cinj kaaga, fat o xot a den na xa ƥay den, dox a den took o sadaxand ole took sadax fa ndoxel fee. Keene xan a ref na mi o Yaal oxe, sadax fa mbelu tuñ bo.

A sutax ale 29:18

Cinj kaaga, fat o dox njegel ne took o sadaxand ole, ɓoxotaam o ten, ta ref sadax fa ndoxel. Keene xan a ref na mi o Yaal oxe, sadax fa mbelu tuñ bo.

Mberaand 6:17

Mi o mat, xam ɓisiid o jaɓ o maak ole took lanq ke ndax um saŋik fop ke jegna njer too a ñoowaa ɗuga asamaan fee. Fop ke refna took lanq ke xan a mooc.

Yeremi 8:6

Nan-gilooxaam a den a paax, ke da layaa refee ndigil. O leng ricooxee kañaan um ee: ‹Ndi xar fi’um?› Fop kaa ngodatin o joor, nen pis naa na rututaa na xire.

Esayi 65:6

A woora yee keene fop kaa bindel mbaambir es, too tiimkiim, a refangee kaam rabid a den a pi den ne waritna deŋ.

Esayi 48:8

Kaa sax nu mosiran o nan, nu mosiran o and, too mosee o rok no yul nof nuun, yaam and’aam ee hoohod nu ndefu. Naa nu ndime, kaa nu nqoyeel gore’aƭaru we.

Esayi 47:15

Keene na refkaa muj no ɗeet we wo xijoogoona ɗeetnooxaa me den no kaa xotitna no ndeƥandoong of. Xan a njoqooyooxaa, oxuu refna me ta payna. O leng mucilkirang!»

Esayi 47:12

Dami no pan of boog fo no ñango of keene jang’oona fo a koorgoorlax a maak no kaa xotitna no ndeƥandoong of. Xeƈa xan o xotit teen o ndimle mbaat o diidland muj fa mbaaxeer fee.

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

Mberaand 5:29

A ne’aan Nowe, a lay ee: «Oxene na yaalkaa a in no coono ke, no calel ƭomu ke lanq ke o Yaal oxe a salooxna a ndoonna a in.»

Mberaand 4:12

O xooxangaa, lanq ke cooxkirang ke da mbarna o mbat. Xan o ñaaƴaa joqooyooxaa took lanq ke.»

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Mberaand 6:13

Maaga, Roog a laya a Nowe yee: «Kaam heboox o moocand fop ke na ñoowaa. Lanq ke kaa may fo ngiin fo’oy yaam den. Xam moocand a den boog fo lanq ke.

A paɗax ale 4:31

Fat o saasadax oxe a watin neeneer ke fop ne ta watniteel na sadax fa njamsa’oor fee soo a doxin took o sadaxand ole, too xan a fel tuñ bo no Yaal oxe. Neene mat o saasadax oxe a jofooranditkaa o kiin oxeene fa Roog, too xan a waasanel bakaad um.

A paɗax ale 8:28

Cinj kaaga, Moyiis a xotta a den na xa ƥay den soo a dox a den took o sadaxand ole, sadax fa ndoxel fee a gartin a lanq. Keene refu sadax fa ndodir fee doxeena, a fel tuñ bo no Yaal oxe.

A lim ale 15:3

nu mbugangaam o ƥoxot sadax fa ndoxel mbaat sadax fa njamsa’oor, ta ref yaa nu mbadnaa a tegit mbaat nu sadaxtaa no fud o letu mbaat no qew ke, fat a hat na xa siir axe mbaat na ked ake nuun. Keene xan a ref sadax faa felaxama tuñ bo, mi o Yaal oxe.

1 Sami’el 26:19

Daali maad, kaam xeɗang o nan-giloox a ƭelem es, mi fee o tag of: A soƥangaa yee o Yaal oxe riñong boo o siiknoor neeke fa mi, fat a jaɓaam nen sadax faa feluuna tuñ bo! Ndaa a soƥangaa koy ee wiin ndiñong teen, yaasam o Yaal oxe a halak a den. Xaye kaam raxeel, fañteel o moof no saax le o Yaal oxe a ci’na xeet um, nand fo xaa layeena yee: Reti o faɗook roog can ke.

A kim a tedu ke 58:4

Soxodu we kaa ndimteel kañaan den, maamaaɓ we a mo’aa den fa ndimaande.