Mberaand 8:20 - NQAARIIT NE ROOG

²⁰ Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

Mberaand 8:20 Referans Kwoze

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

Mberaand 22:9

Ye da mbadiidna no mbiñ onqe Roog a layuuna, Abraham a fi’a o sadaxand, soo a doon xa cuuƭ axe took fee. Cinj kaaga, a dura a Isaak fee o ƥeem, soo a doonin took xa cuuƭ axe no sadaxand ole.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

Hebre 13:10

A jega sadax kaa saasadax we na njalaa no sadaxand ole in a njegeerna sañ-sañ o ñaam a den.

A sutax ale 10:25

Moyiis a doonaan ee: «Wo na xaƴkaa a in, i ndet fo cegel ke i sadaxkaa o Yaal oxe Roog in.

Mberaand 35:7

A maxa o sadaxand, soo a ne o mbiñ onqaaga El-Betel, yaam maaga Roog a feeñoor’un ye ta ƴufaa o maag um.

Mberaand 35:1

Roog a laya a Yakoob ee: «Inooxi! Reti Betel, o moof maaga. Fat o maxan maaga o sadaxand a Roog fee feeñoox’oonga ye o ƴufaa o maag of.»

Mberaand 33:20

A maxa taaga o sadaxand, soo a ne’in El-Elohe-Isra’el.

Mberaand 26:25

Isaak a maxa maaga o sadaxand, a ƴufginoor gon le no Yaal oxe, soo a sip maaga ƭiif um. Dag we ten a mbaqahina maaga a ngas.

Mberaand 13:18

Maaga, Abram a ɗisa ƭiif ke ten, a geniid no kariñ ke Mamre paam Hebron, a maxan o Yaal oxe maaga o sadaxand.

Mberaand 13:4

me ta max’ina o sadaxand yaaga. Abram a ƴufginoora gon le no Yaal oxe no mbiñ onqaaga.

Mberaand 7:2

No muumeen ke naangaandeena o ndiimbaa fop, xoti teen koor ɓetuu ƭik fo tew den, no ke na ndiimbeel koy, o xot teen ngoor fo ndew no xos oluu refna.

Mberaand 4:4

Abel itam a faɗoortiida o Yaal oxe taaw ke moƴna o neer na ked ake ten. O Yaal oxe a jaɓa a Abel fo sadax um.

Mberaand 22:2

Roog a layaan ee: «Jangi o ƥiy o leng kut onqe jegoona, Isaak fee fexoona fex, o ret no saax laa Moriya ɓoxotin maaga, nen sadax fa ndoxel took o leng na xa coong axe um lalkang.»

Mberaand 8:19

Muumeen ke fop fo ƥood ke fop fo tiiƭ ke fop fo ke na yo’nooxaa took lanq ke, o xos oluu refna teen a sutooxa a kaal ale.

Ke bindeena no xe ne’eena YOB 1:5

Ñaal ke no mbumbaay ne a mbaaf’angaa, Yob a lultooga xa ƥeem da ngar soo ta ɓogid a den. No feet olaa, a inooxooga ƥiiɓ teel, a ɓoxotan oxuu refna na den sadax fa ndoxel, yaam kaa xalaatoogu yee: «Xeƈa xa ƥees axe ñakee o mbakaad, a saloox a Roog na qeeñ den.» Neene deŋ Yob a fi’toogun kili.

Mberaand 7:3

Tiiƭ ke na asamaan itam, xoti no xos oluu refna ngoor fo ndew boo ɓetuu ƭik ndax o xos den a ñoowaa took lanq ke.

A sutax ale 29:18

Cinj kaaga, fat o dox njegel ne took o sadaxand ole, ɓoxotaam o ten, ta ref sadax fa ndoxel. Keene xan a ref na mi o Yaal oxe, sadax fa mbelu tuñ bo.

A sutax ale 29:25

Cinj kaaga, fat o xot a den na xa ƥay den, dox a den took o sadaxand ole took sadax fa ndoxel fee. Keene xan a ref na mi o Yaal oxe, sadax fa mbelu tuñ bo.