Mberaand 8:1 - NQAARIIT NE ROOG

¹ Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox.

Mberaand 8:1 Referans Kwoze

Mberaand 30:22

Roog a wetandooxa a Rakel, a jaɓ a qeƭ um, soo a fi’in o tiirim.

Mberaand 19:29

Ye Roog a saŋkaa teeru ke no jegel olaaga Lot a gen’ina, a wetandooxa a Abraham, soo a ci a Lot ta daɗ yaq faaga.

A sutax ale 2:24

Ye Roog a nanna xa iin axe den, a wetandooxa ngiɓoor ne ten fa Abraham fa Isaak fa Yakoob.

A kim a tedu ke 136:23

ten oxe wetandooxna a in kam o xeefel in, yaam o mbeq um xan a maadaa boo faw,

1 Sami’el 1:19

No feet olaa ƥiiɓ cuc, Elkana fo ƥasil um fop a ndeta, a ngung mbaambir no Yaal oxe, a mbaɗooxin, cinj kaaga da nomtoox, a nqaad Rama. Elkana a yoona fa Xaan fee o teem, too o Yaal oxe a jaɓa a qeƭ ake Xaan.

A sutax ale 14:21

Moyiis a letna o ɓay um took o maag olaa. Ndak fo ndak, o Yaal oxe a jumbandta o maag ole a und, ta hatiid no batand, a dititaa ditit maak o yeng ole fop. A xaaja poofi ke soo a weerin o maag ole.

A kim a tedu ke 106:4

O Yaal oxe, wetandooxaam, yaa o yirimkaa xeet of, ba o weecaam, yaa o mucilkan.

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

Habakuk 3:2

O Yaal oxe, nanaam gon of a layteel. O Yaal oxe, kaam jeg caƭar mbaambir a pi of. Fadni a den no ñoow in, ga’noor a in a den na xa kiid in! Kaa rek kam fuux le wo, wetandooxi o paaxel of.

A kim a tedu ke 137:7

O Yaal oxe, ba o weecit ke Ee-edoom we a mbi’na a koom alaa Yeerusaleem a jaɓeena. Kaa mbalalooxoogu yee: «Mbayteenoo, mbayteenoo boo na per ake ten!»

A kim a tedu ke 132:1

A kim no ñaañaaƴ we yoo. O Yaal oxe, wetandooxi a Dawid fo coono ke ta gomna fop!

Nehemi 13:31

Dalnatinaam itam sadax ke na xa cuuƭ axe mbareena o ƥisiid no fo ngap ne simteena fo fee no ke eetna o foor no duufe le. «Roog es, wetandooxaam fo o paaxel.»

Nehemi 13:22

Heblaam itam Leelewi we da ƥogdoox soo a yetooxiid tokand ke, ndax da tedland bes fee na ñootnax ale. «Roog es, wetandooxaam yaam keene itam too yirmaam yaam o paaxel o maak of!»

Nehemi 13:29

«Roog es, ba o weec muk ne da niwaƭaritna calel no saasadax ke fo ngiɓoor ne wo fo saasadax we fo Leelewi we.»

Nehemi 13:14

«Roog es, wetandooxaam yaam keene fop! Ba o weecit ngor ne jalantuuma Mbind Roog ne fo a paɗax ale ten.»

Mbeeñil 18:5

yaam pakaad um. Pakaad um keene koy, a ndondrandoora boo na asamaan, too Roog weecee a pi a paaxeer ake ten.

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

Xa peƭit axe 25:23

A ƥay foofi kaa ɓisiidaa a teƥ, ɗelem ñuuñu le a gartaa a tagid a kiɓooxu.

Ke bindeena no xe ne’eena YOB 14:13

Cey! O ɗasin’angaam kam jaaniif rek, muuraam teen boo yaa fuux le wo a ɓooskaa, soo o dalnanaam waxtu faa o wetandooxkaxam!

A lim ale 22:32

Malaaka fee a layaan ee: «Xar taxu o xaw o faam ole wo boo a caf a tadak? Kaam gar, ndax um xañtong o suur, yaam a ñaaƈ of alene, o Yaal oxe yoonee teen.

Yoona 4:11

Ii, soo o bug’u um fañ o yirim a Niniif, teeru fa maak fee saqna kaa hupna mboƥ cuni teemeed fo mboƥ cuni qarɓeen ƭik naa mbaageerna o anddirand a ñamaak den fo a canoon den, ne’atiim cegel mayu!»

A kim a tedu ke 36:6

O Yaal oxe, o mbeq of a yaajta nen a asamaan, ngor of a ret boo na eel akaa.

A sutax ale 15:10

O Yaal oxe, kaa o wuuɗit no xoor of, o maag ole a muur a den, da ndiim nen beteex kam foofi.

A lim ale 10:9

Kam saax nuun, boo nu nqire’kaa fo fañ nuun waa mbugna o ñoxor fa nuun, fat nu njibin a luuƥ akeene, yoonandtin xa buuq. Maaga, xam wetandoox a nuun, mi o Yaal oxe Roog nuun, mucil a nuun no fañ nuun.

Ke bindeena no xe ne’eena YOB 12:15

A damangaa poofi ke, fop a naang koroŋ, ta xaƴ a den, lanq ke a yaayoox.

A kim a tedu ke 29:10

Uum-maamaad le no Yaal oxe kaa garit poofi ke asamaan took, too ten na bugko maadooxaa boo faw.

A kim a tedu ke 105:42

A wetandooxa fa lay fa tedu um fee ta lay’ina fa Abraham fee o tag um.

Esayi 44:27

Kaam layaa qooƭ ke no maag ole yee: ‹Mbeeryo› Xam ŋiisin poofi ke ten.

Nahum 1:4

Kaa ŋalaa o maag ole soo a weernin, a ŋiisin xa quluɓ axe fop, Basan fa Karmel a mbeenjeenj, soo piɗ ke Libaŋ a leeƥ.

Mberaand 9:10

fo pindel ke ndefna fa nuun a ñoowaa, xotitna no tiiƭ ke boo no cegel ke fo muumeen ke fop took lanq ke fo fop ke sutoorna na kaal ale, muumeen ke no lanq ke fop.

A kim a tedu ke 115:12

O Yaal oxe a wetandooxa a in too xan a barke a in. Kaam ee xan a barke mbind Isra’el, a barke mbind Aaroon.

Yeremi 50:38

Fat o feñ a yen took poofi ke ten, da ŋiis, yaam saax nitaal roog cakalaaru a refu, da sayaa no pooƴ keene.

Sakari 10:11

Xan a njoot o maag naqad ole. Mi o Yaal oxe xam xaw a yaand ake no maag ole, boo qooƭ ke no xuluɓ ole Niil a ŋiis, o nqaaƈ onqe Asuur a ñuf ɗuƭ, maat ne Misira a sooƴ.