Mberaand 7:21 - NQAARIIT NE ROOG

²¹ Ke ñoowoogna took lanq ke fop a saŋkooxa, ta ref tiiƭ ke boo no cegel ke fo muumeen ke fo fop ke na yo’nooxaa took lanq ke fo pindeef ke fop.

Mberaand 7:21 Referans Kwoze

Mberaand 6:13

Maaga, Roog a laya a Nowe yee: «Kaam heboox o moocand fop ke na ñoowaa. Lanq ke kaa may fo ngiin fo’oy yaam den. Xam moocand a den boog fo lanq ke.

Mberaand 7:4

Ndeer mene fo ñaal ɓetuu ƭik xam deɓiid took lanq ke boo ñaal qarɓeen nahik fo xa yeng den. Neene, xam moocand ke sakuuma fop took lanq ke.»

Mberaand 6:17

Mi o mat, xam ɓisiid o jaɓ o maak ole took lanq ke ndax um saŋik fop ke jegna njer too a ñoowaa ɗuga asamaan fee. Fop ke refna took lanq ke xan a mooc.

O leetar ole Pool a bindna GIMU WE NGENNA ROM 8:20

Pindel ke fop kaa yen no kaa jegeerna muj fa leng. Refee koy no kaa felna a den, ndaa Roog sax sax fi’un. Yaqanee koy yaakaar a jega,

2 Piyeer 2:5

Roog wuusee wiin we yaaga mbi’oogna pakaad. Nowe soom fee waare’oogna o cofel ole, a yoon fo wiin ɓetuu ɗik lakas, a mucil’u, ye ta saŋikna kam o jaɓ o maak ole wiin we ndeefoogeeruuna.

O leetar ole Pool a bindna GIMU WE NGENNA ROM 8:22

Mee ndax i anda yee boo no ñaal ne xaye pindel ke fop na xa iin a ndefu, a ƭomeel boo nen o tew oxaa na gaajooxaa.

YEGIL MBAAX NE YEESU ne Lik a bindtuuna 17:27

Wiin we kaa ñaamoogu, a yeraa, a ndolniraa, a ci’taa xa ƥiy den a tolax, boo na bes faa Nowe a rok’ina na kaal alaa. O jaɓ ole a gara, too a saŋka a den, den fop.

Mace 24:39

Wiin we yeg’ee taaga dara boo neen o jaɓ o maak olaa a garu, soo a saŋik a den. Naaga a refitkaa itam yaa o Ƥeenqe no kiin oxe a garkaa.

Sofoni 1:3

Xam moocand wiin we fo muumeen ke, tiiƭ ke fo liƥ ke, luƈit soxodu we. Kaam ee xam moocand wiin we took lanq ke. Mi o Yaal oxe layun.

Yowel 2:3

Fiɗel laa na raaɓaa adooxanun, soo aal laa na sooynaa a fodin a cinj. Saax le kaa ref mbaambir um nen a ƭing ale Edeen, soo a suurangaa, ta ref nen a koƥ-a-ƥor alaa naagna halit, too dara daɗee a den.

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Esayi 24:19

Lanq ke xan a qaacoox qaacax maak, a ngirdoox yureet soo a ngiiƈ-ngiiƈin ƭomu.

Esayi 24:6

Ten taxu a salax ale a raaɓaa lanq ke, soo we ngenna teen a ngadooxaa tooñ den. Ten taxu we ngenna no lanq ke a sooy, too ke yoqatna no wiin we jaakatee.

Mberaand 1:25

Roog a saka muumeen ke fo xa qos den, ƥood ke no lanq ke fop fo xa qos den fo ƥaaɓaan ke no lanq ke fo xa qos den. Roog a ga’a yee keene tig paax oo.

Ke bindeena no xe ne’eena YOB 34:15

kuu na ñoowaa a saŋkooxkooga ndak fo ndak, soo o kiin oxe a nomtoox no lanq ke.