Mberaand 7:11 - NQAARIIT NE ROOG

¹¹ No hiid teemeed ɓetuu fa lengandeer ole no ñoow Nowe, no ñaal xarɓaxay fo ñaal ɓetuu ƭikandeer ne no nqool o ƭikandeer onqe, poofi ke na juwaam fee a ndalfooxa mbaɓir, pand ke na asamaan a mbetoox.

Mberaand 7:11 Referans Kwoze

Mberaand 8:2

A cur ake no poofi ke na juwaam fee fo pand ke na asamaan a ndalfooxa o sux, soo a teƥ ale a simid.

Malaki 3:10

Naangyo ƥisiidaa a seek xarɓaxayandeer a teyu sik no Mbind es, ndax ñaamel a jegaa teen kili. Ƭeetloorangaamoo neene, mi o Yaal oxe Hupna fop, boo nga, ndax suqtankiim a nuun pand ke na asamaan soo mayƭand a nuun fo paax ƥor.

Yeremi 51:16

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keekand ke ten.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

2 Maad we 7:19

Jawdiin fee no maad oxe kaa doon’un ee: «A soƥ’angaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise kaa doon’un ee: «Xan o ga’in fo a kid of, ndaa ñaamkino.»

Heseki’el 26:19

Keeke layum, mi o Yaal oxe na refkaa boo faw: Yaa um fi’kang teeru fa mbesu a pec nen teeru ke ngenataandeena, yaa um ɓakandiidkaa took of juwaam fee soo poofi maak ke a ƭuudong,

A kim a tedu ke 33:7

A fokata poofi ke no maag ole nen foofi kam mboxos, juwaam fee, ta soɗin no pand.

2 Maad we 7:2

Jawdiin fee no maad oxe a doona o kiin Roog oxaa yee: «A soƥangaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise a doonaan ee: «Xan o ga’in fo a kid of, ndaa ñaamkino.»

Mberaand 1:7

Roog a fi’a a qul ale soo a xaaj poofi ke ƭik, a qaaj alene a far took, alene a lanq. Kaaga a jegta naaga.

Mace 24:38

Yaam no ñaal kaa adoox’ina o jaɓ o maak olaa, wiin we kaa ñaamoogu, a yeraa, a ndolnireel, a ci’taa xa ƥiy den a tolax, boo na bes faa Nowe a rok’ina na kaal alaa.

Esayi 24:19

Lanq ke xan a qaacoox qaacax maak, a ngirdoox yureet soo a ngiiƈ-ngiiƈin ƭomu.

A kim a tedu ke 74:15

Wo balnu a cur fo a ƈufnand soo weerin koroŋ o xuluɓ o ŋiiskeer ole.

Mberaand 6:17

Mi o mat, xam ɓisiid o jaɓ o maak ole took lanq ke ndax um saŋik fop ke jegna njer too a ñoowaa ɗuga asamaan fee. Fop ke refna took lanq ke xan a mooc.

Ke bindeena no xe ne’eena YOB 28:4

A kamb a mbaqe maa goƭna fo mbiñ ne ngeneena, maa o leng a reefkeerna. Maaga mat a njalaa, a yoorooraa xa ƥaak.

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

2 Piyeer 3:6

Roog, foofi a saŋkit’u adna fee yaaga itam, ye o jaɓ o maak ole a garna.

Mberaand 7:6

Nowe xe jeg’a xa kiid teemeed ɓetuu fa leng no hiid ole o jaɓ o maak olaa a garna took lanq ke.

Ke bindeena no xe ne’eena YOB 12:15

A damangaa poofi ke, fop a naang koroŋ, ta xaƴ a den, lanq ke a yaayoox.

Ke bindeena no xe ne’eena YOB 38:16

Ndax mosaa o fad me o maag ole a maynitaa? Ndax mosaa o foƭit a caf of boo no duf le na juwaam fee?

Xa peƭit axe 3:20

Na pexey o and um a xaajtu juwaam fee ƭik, a eel ake a yuurnaa a liim ale.

Esayi 24:18

Oxuu na ƴufaa xa buuq axe no diid le xan a yen kam gamb le, too oxe na sutooriidaa no gamb le xan a damtel mbaal ne, yaam pand ke took xan a mbetoox, soo fer le no lanq ke a yo’noox.

Mberaand 8:14

No nqool o ƭikandeer onqe, no ñaal qarɓeen ƭik fo ñaal ɓetuu ƭikandeer ne no nqool onqaaga, lanq ke a mbeera koroŋ.

Ke bindeena no xe ne’eena YOB 38:37

An jegu o and olaa ta limitna a eel ake soo a rungiid pand ke na asamaan,