Mberaand 6:9 - NQAARIIT NE ROOG

⁹ Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

Mberaand 6:9 Referans Kwoze

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

2 Piyeer 2:5

Roog wuusee wiin we yaaga mbi’oogna pakaad. Nowe soom fee waare’oogna o cofel ole, a yoon fo wiin ɓetuu ɗik lakas, a mucil’u, ye ta saŋikna kam o jaɓ o maak ole wiin we ndeefoogeeruuna.

Mberaand 7:1

O Yaal oxe a laya a Nowe yee: «Roki na kaal ale, wo fo ƥasil of fop yaam ga’aam ee kaa o jof mbaambir es a ndeer suk neeke.

Mberaand 5:24

Henok a ñaaƴa fa Roog, cinj kaaga, a naaga mes yaam Roog a yoɗin.

Galati 3:11

A woora yee mbaambir Roog, o leng jofandkaand, yaam ne ta fi’aa ke kebil ke a layna, yaam a binde yee: «Oxuu Roog a ɗeetna nen o cofu yaam ne ta gimna, xan a ñoow.»

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Mberaand 5:22

Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew.

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

Mberaand 2:4

Keeke doonoox’u ye lanq ke fa asamaan fee a sakeena. Ye o Yaal oxe Roog a sakna asamaan fo lanq boo a ƴut,

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

A pi ake 10:22

A ndoonaan ee: «Korney, o aa-adax no xiixire teemeed luliidu a in. O kiin o paax oo, a saɗar a Roog. Xeet faa no Yaawuur waa fop kaa seede’aa no ten paax. Malaaka Roog yegnun ee ta xoyniidong ndax o gar no mbind um boo ta waag o nan-giloox ke o laykan.»

Heseki’el 14:20

ne ta wooritna yee mexe ñoowaa, mi o Yaal oxe na refkaa boo faw layun, Nowe, Dañel fa Yob a ndeeƭangaa a ndeer saax le mucilkoogee xa ƥiy xa koor mbaat xa tew axe den, o cofel den, o ñis den soom a mucilkoogu.»

Ke bindeena no xe ne’eena YOB 1:8

O Yaal oxe a laya a Saytaane yee: «Ndax ga’aa a Yob fee o tag es? Jegee oxaa nandna fo ten no lanq ke. Kaa ref o kiin o booru too a jof, a saɗar a Roog too a wootooxaa paaxeer.»

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

YEGIL MBAAX NE YEESU ne Lik a bindtuuna 23:50

A jeg’a oxaa fog’ina no Mal maak ne, a ne’el Yoseef, a gen na teeru faa Arimate kam Yudee. O koor o paax a reeƭu, too a jof. A cungooga Maat ne Roog. Jaɓ’ee ke wiin lakas we no Mal maak ne a mbexey’ina fo ke da mbi’’ina.

YEGIL MBAAX NE YEESU ne Lik a bindtuuna 2:25

A jeg’a Yeerusaleem o koor o ne’e Simewon. O kiin oxaaga a jof’a, too a saɗar’a a Roog. A cungooga Isra’el a yaalel. Yiif Tedu le a reeƭa fo ten,

Habakuk 2:4

Xeet feene kaa magnandoox too njofee. Kaa koy, o cofu xe xan a ñoow, yaam ne ta gimna na Roog.»

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

A kim a tedu ke 37:37

Horooxi o kiin oxe ñakna ƥanjel, ɗeet a paax o booru xe, yaam o kiin jam muj fa mbaax rek a jegaa,

2 Caloori ke 15:17

Kaa koy, ke xeeñ um fop a refan’ina a Roog no ñoow o ñis um fop oo, tax’ee ta moocand a ñaang a sadaxand ake.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Ke bindeena no xe ne’eena YOB 12:4

Kaam ref no qaariit es qaadnooxel, mi fee ƴufginooxoogna a Roog, ta jaaɓaam! Ke jofuuma fop oo, ñak soqel, yaqanee um ref calat!

1 Maad we 3:6

Salomo a doonaan ee: «Lalaa o tag of Dawid fee faap es o paaxel of, yaam ne ta ñaaƴoogna mbaambir of fo o woor fo o cofel fo a ƭat. Xañino o paaxel o maak oleene too fi’aa boo o leng na xa ƥeem a moof no uum-maamaad le ten, ne i nga’tuuna xaye.

2 Caloori ke 25:2

Amatsiya a fi’a kaa faaxna na kid no Yaal oxe, ndaa koy refee fo xeeñ damooxu.

Mberaand 10:1

Keeke ndefu a kon ake na xa taan axe na xa ƥiy axeeke na Nowe: Seem fa Xaam fa Yafet. A ndima xa ƥiy cinj o jaɓ o maak ole.

Mberaand 5:1

Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

Mberaand 6:10

Nowe a rima xa ƥiy xa tadaq, da ndef: Seem fa Xaam fa Yafet.

A cangatin ale 18:13

Nuun o mat, fat nu ndamoox no Yaal oxe Roog nuun soom.

2 Sami’el 22:24

Kaam ñak sik na kid um, wootooxaa o tooñ.

A kim a tedu ke 37:39

A muc no jofu we no Yaal oxe a inooraa, o ten refu njaɓnooxand den, yaa taamaala a jegna.