Mberaand 6:8 - NQAARIIT NE ROOG

⁸ Kaa koy, Nowe a daawa yirmande fee no Yaal oxe.

Mberaand 6:8 Referans Kwoze

Mberaand 19:19

Feek mi fee o tag of daawaam yirmande of, o lalaam o paaxel of boo mucil o ñis es, waagiim o ƴuf boo daawik xa coong axaa too taamaala fee daawiraam, too yaaga xam xon.

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

YEGIL MBAAX NE YEESU ne Lik a bindtuuna 1:30

Malaaka fee a dakooxaan o lay ee: «Ba o saɗar dara Mari, yaam Roog a ci’aang yirmande.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Tiit 2:11

Yirmande fee Roog a feeñle, ndax ta ref a cur a muc no wiin we fop.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

Xa peƭit axe 3:4

Neene, xan o fel a Roog, fop a mbugong.

A kim a tedu ke 145:20

O Yaal oxe kaa saytooxaa fop we mbexuuna, ndaa kaa saŋkaa soxodu we fop.

O leetar ole Pool a bindna GIMU WE NGENNA ROM 4:4

Yaaga koy, oxe na jalaa, ndabid um ɗeetaand nen ci’it, ndaa kaa ɗeetel nen wareef.

A pi ake 7:46

Dawid a daawa yirmande mbaambir Roog. A xeɗaan ndax ta maxin Ngenand Roog, maa xa taan Yakoob a mbaɗooraa.

Xa peƭit axe 12:2

O kiin oxe faaxna felu o Yaal oxe, oxe mayna fo naanaxir o mat kaa gadneel tooñ.

2 Piyeer 2:5

Roog wuusee wiin we yaaga mbi’oogna pakaad. Nowe soom fee waare’oogna o cofel ole, a yoon fo wiin ɓetuu ɗik lakas, a mucil’u, ye ta saŋikna kam o jaɓ o maak ole wiin we ndeefoogeeruuna.

Xa peƭit axe 8:35

yaam oxe ga’axama a ga’a o ñoow ole, too xan a fel o Yaal oxe.

Yeremi 31:2

Keeke o Yaal oxe a layu: «Xeet fee ndaɗitna na bar ale a ndaawa yirmande kam a koƥ-a-ƥor alaa. Isra’el xan a waagat o ñoow no yaadax.»

2 Timote 1:18

Koo yaasam o Yaal oxe a fi ta daaw yirmande Roog na bes fa mbalakaand faa. O leng moƴirang o and ne ta dimle’taxama ye um refaa Efees.

Galati 1:15

Ye ta felna oxe kes’axama yaaga rimafulaandeem, too a xoytaam yirmande um,

O leetar ole Pool a bindna GIMU WE NGENNA ROM 11:6

Kaa jil a den na yirmande um, too refee yaam a pi den. A jilit’angaa a den a pi den, yaaga yirmande fee Roog refkoogee yirmande fa ndigil.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

Mace 24:37

Kaa xew’ina na jamaane faa Nowe na dakkaa o xew, yaa o Ƥeenqe no kiin oxe a garkaa.

YEGIL MBAAX NE YEESU ne Lik a bindtuuna 17:26

Kaa xew’ina na jamaane Nowe na dakkaa o xew na bes faa no Ƥeenqe no kiin oxe.

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.