Mberaand 6:6 - NQAARIIT NE ROOG

⁶ O Yaal oxe a ricooxa ke taxna ta fi o kiin took lanq ke, soo xeeñ um a gooy.

Mberaand 6:6 Referans Kwoze

Esayi 63:10

Kaa koy, kaa nanaƭar’u, a ngooyand Yiif Tedu le ten, ta geleeroox, a refat o pañ den. O ten o mat ñoxoru fa den.

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Hebre 3:10

Ten taxu um fuuxan’u wiin weene, too lay’aam ee: ‹A qalaat den kaa mo’andaa a den kili. Weene wiin mosee o and a ƭat es.›

1 Sami’el 15:29

O Yaal oxe refna o ndam onqe Isra’el naangee o maaɓaa too kaa damaa fa lay um, yaam refee o kiin boo fa lay um a fe’aa a koƥ.»

2 Sami’el 24:16

Ye malaaka fee a letinna o ɓay um took Yeerusaleem, ndax ta xawin, o Yaal oxe a ricooxa ɗom leene soo a lay a malaaka fee saŋkoogna xeet fee yee: «A deya! Ndiiki, fudni o ɓay of.» Kaaga oxaa soƥ’a malaaka fee no Yaal oxe paam cukand naa Arawna, o Yeeyebus oxe.

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Yoona 3:10

Roog a ga’a ne wiin we Niniif a mbesoorna, too a ga’a yee a mbesa a pi a paaxeer ake den a cinj. A ricooxa paaxeer ke ta bug’ina o fi a den, soo a waasan a den.

Yowel 2:13

Ba nu mbaar toki nuun, ndaa mbaaryo a qeeñ nuun soo nomtooxiid no Yaal oxe Roog nuun, yaam kaa yirmaa, a laabiir, a muñantaa, a may fo o paaxel too kaa ricooxaa taamaala ke ta heblitiidna.

A sutax ale 32:14

Cinj a qeƭax alaaga, o Yaal oxe a waasa paaxeer ke ta yuuɓan’ina xeet um.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Yeremi 26:19

Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

1 Caloori ke 21:15

O Yaal oxe a ɓisiida malaaka fee kam Yeerusaleem ndax ta fadin a qaw ale, ndaa ye ta ga’na malaaka fee na saŋkaa a fadnaa o far um, o Yaal oxe a ricooxa ɗom leene soo a lay a malaaka fee saŋkoogna xeet fee yee: «A deya! Ndiiki, fudni o ɓay of.» Kaaga oxaa soƥ’a malaaka fee no Yaal oxe paam cukand naa Arawna o Yeeyebus oxe.

Esayi 48:18

Ey, o nan-gilooxangaa a paax ke hebloonga, yaaga jam of a ref nen o xuluɓ, o cofel of a ref nen a yag-ee-yag ake no maag ole,

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

1 Sami’el 15:35

Sami’el mosatee o ga a Sawul boo neen a xonu. O Yaal oxe a ricoox’a ke taxna ta dalin a Sawul o maad Isra’el, too Sami’el oo a naqadilooxa yaam Sawul nen oxaa na ñaawooxaa.

A cangatin ale 32:36

O Yaal oxe xan a ɓoxot xeet um ɓur, a yirim dag um, yaa ta ga’na yee doole den a naaga tak, fop a fagat.

A cangatin ale 32:29

A jeg’angaa yiif, a andkooga keene, a ga ke na dalkan.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

Saak 1:17

Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

Hebre 3:17

Aniin Roog a fuuxan’u boo xa kiid qarɓeen nahik? Mee ndax den ndefu we mbakaad’ina boo xa tal den a yoq kam a koƥ-a-ƥor alaa?

Malaki 3:6

Mi o Yaal oxe, suptooxkiim muk, too nuun we xa taan Yakoob, nu suptooxee.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

A kim a tedu ke 119:158

Hoohod we kaa mbataam xus, wiin weene ngaykeerna o ñuxur of.

A kim a tedu ke 110:4

O Yaal oxe a daaɓooxaan too nomtooxkee teen a cinj ee: «Xan o ref o saasadax boo faw ne ta ɗaapit’eena na Melkisedek.»

A kim a tedu ke 95:10

Suk neene kaa mbat’aam xus boo xa kiid qarɓeen nahik, too layaam ee: «Kaa ndef xeet fa mo’u mir. Andee muk a ƭat es.»

A kim a tedu ke 81:13

Maaga, xaƴaam a den no ŋaj den, da ndeefan yuuƥ ke den.

A kim a tedu ke 78:40

A caf a mayu, a siiknoora fo ten na koƥ-a-ƥor alaa, a ngooyandan no fo mbiñ ne naangna halit.

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Yeremi 18:7

Leek-leek kaam fosooxanaa xeet mbaat maat ee xam sooƴnin, maafin soo gefin tuƈ.