Mberaand 6:20 - NQAARIIT NE ROOG

²⁰ Ngoor fo ndew no xos oluu refna: Tiiƭ ke, muumeen ke fo ƥood ke no lanq ke, xan a ngar me wo, ndax o mucil a den.

Mberaand 6:20 Referans Kwoze

Mberaand 2:19

O Yaal oxe Roog a muulit’a muumeen-a-koƥ ke fo tiiƭ ke na asamaan fop no lanq ke. Cinj kaaga, a ɓakandiida a den me no koor oxe, ndax ta and ne o koor oxe a ne’kaa a den. Oxuu refna teen, gon le o koor oxe a ferankan a ne’keel.

YEGIL MBAAX NE YEESU ne Saŋ a bindtuuna 5:40

Ii, keene koy, too nu mbugee o ngar na mi, ndax nu njeg o ñoow!

Mberaand 1:28

Roog a barke’a a den soo a lay a den ee: «Ndimikyo, mayƭand lanq ke, ke ta saqna fop a ref no ɓay nuun: Liƥ ke no maag ole, tiiƭ ke na asamaan fo muumeen ke na ñoowaa took lanq ke, fop no ɓay nuun a ndefkaa.»

Mberaand 7:3

Tiiƭ ke na asamaan itam, xoti no xos oluu refna ngoor fo ndew boo ɓetuu ƭik ndax o xos den a ñoowaa took lanq ke.