Mberaand 6:2 - NQAARIIT NE ROOG

² xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den.

Mberaand 6:2 Referans Kwoze

1Saŋ 2:16

Ke cer ke fo a kid ake a yaawaa, a magnandax yaam kalal adna, tig adna yoo. Keene fop koy, inooree na Faap fee, ndaa na adna fee a inooru.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

Esdaraas 9:12

Yaaga boog, ba nu ci xa ƥiy xa koor axe den xa ƥiy xa tew axe nuun too ba nu ngilgan xa ƥiy xa koor axe nuun xa ƥiy xa tew axe den. Ba a ƭat nuun a yong muk na baneex den fo ke faaxna na den. Neene, xan nu njeg doole, ñaamaa ke moƴna faax no saax le, nqaƴanin xa taan nuun nen lam boo kili.›

2 Sami’el 11:2

No kirand leng, Dawid a inooxa me ta wondoox’ina, a foƭtaa a caf um no dung-took ole no mbind no maad ne. A foda maaga, a ƴook o tew o mosu xaa na ɓogooxaa.

A cangatin ale 14:1

«Xa teɓandoong no Yaal oxe Roog nuun nu ndefu! Yaaga boog o xaaraand a jegangaa, ba nu ñaasoox, too ba nu nqanqoox no ƭuf itam.

A sutax ale 34:16

Nu inoorangaa no keene, xan nu mbugan xa ƥiy xa koor axe nuun xa ƥiy xa tew axe den, too yaaga xan weene a njaga’aa fo roog ke den soo a ƥek teen xa ƥiy axe nuun.

Mberaand 27:46

Rebeka a laya a Isaak ee: «O ñoow kaa wataam xus nen ƈaq yaam roog we no Heeheet we. Boo Yakoob a waaƭitna o tew no roog we no Heeheet we ndefna no saax le, andiim xar deyum o ñoowaa!»

Mberaand 24:3

soo um daaɓooxnoorong no Yaal oxe Roog fee na asamaan, Roog fee no lanq ke yee waaƭanitkiro o ƥees o ngoor onqe o tew no Kaakanaan we genuuma a ndeer den.

Mberaand 4:26

Set itam a rima o ƥiy o ngoor, soo a ne’in Enos. No kaa xotitna maaga, gon le no Yaal oxe a reefu a ƴufginooreel.

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

1 Korint 7:39

Mbanuu o tew a xesna boo a doloox, oxe no ƥaak boo yaa o kor um a xonkaa. Boo o kor um a xonna koy, a jegata a xoox um, too a waaga o dolnir fo xaa feluuna. Kaa koy, a narangaa o dolnir fo o lakas, fat a ref fo o kimu no Yaal oxe.

Malaki 2:15

Ndax o Yaal oxe fi’ee boo nu ndefat o leng no njer fo no yiif? Ndi xar o lengel oleene a bugu? Ten refu Roog a ci’in xa ƥiy! Mbootooxyo boog boo ba o leng a hod o tew oxe ta dolnirna no ndeƥandoong um!

Malaki 2:11

Wiin we no maat ne Yudaa a ngore’aƭara, too cednooxu mayu a mbi’e kam Isra’el fa Yeerusaleem. Goor we Yudaa a ndolnira fo roog waa na mbaɗooxaa a roog fa lakas, too neene a tooña o mbiñ o tedu nqe o Yaal oxe a fexna.

Esayi 63:16

yaam wo refu Faap in. Abraham fee o taan in andee a in, too Isra’el andee dara na in, ndaa wo o Yaal oxe, wo refu Faap in, wo xe ne’eena yaaga boo fa ndiik «o Baawat in».

Ke bindeena no xe ne’eena YOB 31:1

Kaam xañit’u a kid es da ƭeet o toog boo a yuxmin.

Mberaand 6:1

Ye wiin we a siwiidaa took lanq ke, boo a ndimaa xa ƥiy xa tew,

Mberaand 6:3

Maaga, o Yaal oxe a laya yee: «Yiif es genkee no xoxtaa o kiin kujumaani cay, yaam o kiin njer rek a refu. Ndiiki hapanaanum xa kiid teemeed fo xa kiid qarɓeen ƭik.»

Mberaand 12:11

Yaa da mbaamnookna Misira, Abram a laya a Saarayi fee o teem ee: «Ga’aa koy, andaam ee o tew o mosu refo,

Mberaand 26:35

Rew weene a mbeƭarna o ñoow ole Isaak fo ole Rebeka.

Ke bindeena no xe ne’eena YOB 1:6

Bes, malaaka ke Roog a ngara, a ngeenoox mbaambir no Yaal oxe, soo Saytaane o caajamb oxe a ref itam a ndeer den.