Mberaand 6:17 - NQAARIIT NE ROOG

¹⁷ Mi o mat, xam ɓisiid o jaɓ o maak ole took lanq ke ndax um saŋik fop ke jegna njer too a ñoowaa ɗuga asamaan fee. Fop ke refna took lanq ke xan a mooc.

Mberaand 6:17 Referans Kwoze

2 Piyeer 2:5

Roog wuusee wiin we yaaga mbi’oogna pakaad. Nowe soom fee waare’oogna o cofel ole, a yoon fo wiin ɓetuu ɗik lakas, a mucil’u, ye ta saŋikna kam o jaɓ o maak ole wiin we ndeefoogeeruuna.

Mberaand 7:4

Ndeer mene fo ñaal ɓetuu ƭik xam deɓiid took lanq ke boo ñaal qarɓeen nahik fo xa yeng den. Neene, xam moocand ke sakuuma fop took lanq ke.»

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

Amos 9:6

Kaa sip ngenand um na asamaan, a fi kuul ne ta yooroox lanq ke, soo ta xoy poofi ke no maag ole, a picit a den took lanq ke. Ten o mat ne’e o Yaal oxe.

A kim a tedu ke 29:10

Uum-maamaad le no Yaal oxe kaa garit poofi ke asamaan took, too ten na bugko maadooxaa boo faw.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

YEGIL MBAAX NE YEESU ne Lik a bindtuuna 17:27

Wiin we kaa ñaamoogu, a yeraa, a ndolniraa, a ci’taa xa ƥiy den a tolax, boo na bes faa Nowe a rok’ina na kaal alaa. O jaɓ ole a gara, too a saŋka a den, den fop.

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

Heseki’el 34:20

Ten taxu keeke layum, mi o Yaal oxe na refkaa boo faw: Mi fa xoox es na hate’kaa ndeer mbaal ngiñu ne fo yooyu ne.

Heseki’el 34:11

Keeke layum, mi o Yaal oxe na refkaa boo faw: No ke xotitna ndiiki, mi fa xoox es na bugko topatooxaa paal es, gayaa a den.

Heseki’el 6:3

Fat o lay ee: Nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu xa coong axe fo a ñaang ake, a kamb ake fo a yulanq ake: Mexey! Mexe hebliidaa xire fee took nuun too xam yaq a ñaang a sadaxand ake nuun.

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

Esayi 54:9

Xan a ref na mi xaye nen jamaane faa Nowe. Ne daaɓoorit’uuma yee saŋkitkatiim adna fee o jaɓ, mexe daaɓoortan neen ee fuuxankatiroong too ŋalkatiroong itam.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

Ke bindeena no xe ne’eena YOB 22:16

na ineel meen, too hap den fadafulee, nen tabax naa a ƈufnand a maƥna?

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

A sutax ale 14:17

Mi o mat, xam ŋajnoor Miimisira we, ndax da ndeefaniid a nuun kam o maag ole, too xam saŋik a Firawon fee fo xiixire we ten fop fo a sareet ake ten fo ŋaaŋaay we ten, ndax um lalit o ndam es.

Mberaand 6:13

Maaga, Roog a laya a Nowe yee: «Kaam heboox o moocand fop ke na ñoowaa. Lanq ke kaa may fo ngiin fo’oy yaam den. Xam moocand a den boog fo lanq ke.

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Mace 24:39

Wiin we yeg’ee taaga dara boo neen o jaɓ o maak olaa a garu, soo a saŋik a den. Naaga a refitkaa itam yaa o Ƥeenqe no kiin oxe a garkaa.

Mberaand 9:9

«Mi koy, xam dalin fa nuun ngiɓoor, dalnin fo xa taan nuun

Mberaand 7:17

A teƥ ale no jaɓ ole a reta boo no ñaal qarɓeen nahik. Poofi ke a ŋaaya, soo a yoɗ a kaal ale ta rayaa.

Mberaand 7:15

Kuu na ñoowaa, ngoor fo ndew, a ndoka na kaal ale paam Nowe.

Mberaand 2:7

Naaga, o Yaal oxe Roog a xota no fo ut ole no lanq ke, a muul o kiin soo a wuuɗ o ñoow na xa ñis um. O kiin oxe a dalfooxa o jeg o laaw olaa na fiɗaa.

Mberaand 6:16

Fat o bombin, xaƴanin o wooƥ olaa fi’na o noonoong ndeer bomb le fo a kiig ale na xa saax axe. Fat o fi’anin o don-maax olaa garitna no saax o leng. Fat o fi’anin taax-took ƭikandeer fo ndadkandeer.