Mberaand 6:14 - NQAARIIT NE ROOG

¹⁴ Daaƴoodi a kaal fo a patax gofeer. Fat o fi’anin fo ndok fo ndok, laarin kam oo tafil oo, boo foofi waagkee rok teen.

Mberaand 6:14 Referans Kwoze

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

YEGIL MBAAX NE YEESU ne Lik a bindtuuna 17:27

Wiin we kaa ñaamoogu, a yeraa, a ndolniraa, a ci’taa xa ƥiy den a tolax, boo na bes faa Nowe a rok’ina na kaal alaa. O jaɓ ole a gara, too a saŋka a den, den fop.

Mace 24:38

Yaam no ñaal kaa adoox’ina o jaɓ o maak olaa, wiin we kaa ñaamoogu, a yeraa, a ndolnireel, a ci’taa xa ƥiy den a tolax, boo na bes faa Nowe a rok’ina na kaal alaa.

A sutax ale 2:3

Ye ta waagateerna o ɗasin o ƥiy onqe, a waaƭa a cenjel, a laartin godorong fo tax, a ɓek teen o ƥiy onqe soo a xaƴin ndeer xeet le, ta rayaa na peepeer ale no xuluɓ ole Niil.

Mberaand 6:13

Maaga, Roog a laya a Nowe yee: «Kaam heboox o moocand fop ke na ñoowaa. Lanq ke kaa may fo ngiin fo’oy yaam den. Xam moocand a den boog fo lanq ke.

Mberaand 6:15

O cigdel ole na kaal ale xan a ref xa noonoong teemeed tadik, o yaajel ole a ref xa noonoong qarɓeen ƥetik, soo geel um a ref xa noonoong qarɓeen tadik.