Mberaand 6:13 - NQAARIIT NE ROOG

¹³ Maaga, Roog a laya a Nowe yee: «Kaam heboox o moocand fop ke na ñoowaa. Lanq ke kaa may fo ngiin fo’oy yaam den. Xam moocand a den boog fo lanq ke.

Mberaand 6:13 Referans Kwoze

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Amos 8:2

soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.

Mberaand 7:23

Roog a moocanda pindel ke ndeeƭna took lanq ke fop. Fop a moocande no lanq ke, Nowe fo we ndeeƭna fo ten na kaal ale soom yoq’u.

Mberaand 6:4

Na jamaane faaga, wiin fodu ne sabab a ndeeƭa took lanq ke. Ye xa ƥiy xa koor axe Roog a ngiligna xa ƥiy xa tew axe no wiin we boo a ndim fa den xa ƥiy, weene ndeeƭu a salma-koor ake yaa fa yaaga.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

Yeremi 51:13

Wo Babilon fee genna paam poofi maak ke too jeg kalal pagkatar, muukandoong of a fadiida, sor of a fag tak.

Mberaand 49:5

Simewon fa Lewi koy mbaagu yoon, o ngir den kaa yedin.

Mberaand 6:14

Daaƴoodi a kaal fo a patax gofeer. Fat o fi’anin fo ndok fo ndok, laarin kam oo tafil oo, boo foofi waagkee rok teen.

Mberaand 7:4

Ndeer mene fo ñaal ɓetuu ƭik xam deɓiid took lanq ke boo ñaal qarɓeen nahik fo xa yeng den. Neene, xam moocand ke sakuuma fop took lanq ke.»

Mberaand 7:21

Ke ñoowoogna took lanq ke fop a saŋkooxa, ta ref tiiƭ ke boo no cegel ke fo muumeen ke fo fop ke na yo’nooxaa took lanq ke fo pindeef ke fop.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Esayi 34:1

Nuun a saax ake, matiidyo nan-giloox! Nuun qeet ke, naangyo tek! Fat lanq ke fop a nan-giloox, ten fo ke refna teen fop, adna fa muum fo ke saxna teen fop!

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.