Mberaand 6:11 - NQAARIIT NE ROOG

¹¹ Wiin we kaa laawoox’u mbaambir Roog, lanq ke a may fo a pi a yednu.

Mberaand 6:11 Referans Kwoze

Heseki’el 8:17

A laamtaxam ee: «Wo fee o ƥiy no kiin, ndax ga’aa keene? Ndax kaa mbind Yudaa ndeyƭooxee no mbi’aa cednooxu ke da mbi’aa mene? Kaa da mayƭandtaa saax le ngiin fo’oy soo a ndefahin no tooñaxam. Den oo weene a mbaƭa a naaq ngeec no ñis den.

Habakuk 2:8

Ne jangaloona qeet mayu, xan ke yoqna no qeet ke a njangalong, yaam fo’oy le no wiin we ɓaxoona fo a pi a yednu ke fi’oona na saax ake, kam teeru ke fo we ngenna a den fop.›

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

O leetar ole Pool a bindna GIMU WE NGENNA ROM 2:13

Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

Heseki’el 28:16

O njiriiñ onqe no njula ne wo a taxa o may muut fo a ƭom-yedar too bakaadaa. Suttaaxoong no joong ole Roog soo moocandong, wo mbindel yeeyetax ne, a ndeer a ƥil a sumu jip ake.

Esayi 60:18

Yo’in leng nankataand no saax of, too yaq fa taamaala njibkatee kam o jegel of fop. A muc ale xan a ref saŋe of, soo a simat a ref begax of.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Habakuk 2:17

A ƭom-yedar ake fi’oona a Libaŋ xan a yen took of. Salaxaa muumeen ke, ten taxu xan a ndiidlandong. Keene fop xan a dalong yaam fo’oy le no wiin we ɓaxoona fo a pi a yednu ke fi’oona kam a saax ake, kam teeru ke fo we ngenna a den.

Habakuk 1:2

O Yaal oxe, kaam bugko ƴufginooxang boo a mban, soo o fañaam o nan-giloox? Kaam bugko faɗooxaa yee: «A ƭom-yedar oo!» boo a mban, soo o fañ o ƴufig?

Yeremi 6:7

Ne a cur a balnitaa foofi um, neene a balnitaa kañaan um. Combol fo yaq rek na naneel teen, um gen no ga’aa teen cay xa ƭomel fo kaañax.

A kim a tedu ke 140:11

Fat a kaagaañ a sumu jip a yen took den, da njoorel kam fiɗel, no gamb laa da inooxkateerna boo muk.

A kim a tedu ke 55:9

Ñofkoogaam o waaƭ maa laqooxuuma nqeñ ne na hududaa, a und a maak ale.»

A kim a tedu ke 11:5

O Yaal oxe kaa ɗeetlooxaa o cofu xe fo o soxodu xe soo a sib oxe fexna mbariƴ.

Mberaand 13:13

Wiin we ngen’ina Sodoom koy wiin faaxeer a ndeeƭu, soo a tooñaa o Yaal oxe.

Mberaand 10:9

O qaaxawlax o maak a reeƭu mbaambir no Yaal oxe. Ten taxu ta layeel ee «nen a Nimrood, o qaaxawlax o maak oxe mbaambir no Yaal oxe».

2 Caloori ke 34:27

boo ta duq xeeñ of. Neewandooxaa mbaambir Roog, ye nanoona ke ta fosooxan’ina o mbiñ onqene fo we ngenna teen. Neewandooxaa mbaambir es, faar toki of, lool ciic mbaambir es. Ten taxu mi o Yaal oxe, mexe yegnang ee nanaaxoong.

Mberaand 7:1

O Yaal oxe a laya a Nowe yee: «Roki na kaal ale, wo fo ƥasil of fop yaam ga’aam ee kaa o jof mbaambir es a ndeer suk neeke.

Mberaand 6:10

Nowe a rima xa ƥiy xa tadaq, da ndef: Seem fa Xaam fa Yafet.

A sutax ale 32:7

O Yaal oxe a laya a Moyiis ee: «Fudooki, yaam xeet fee wo sutoona no saax le Misira kaa laawoox.

A cangatin ale 31:29

Andaam o mat ee a cinj fa nqon es xan nu laawoox, ƭap a ƭat ale jooxuuma a nuun. No camaane ke na ngaraa xan sabab a song xa log nuun, yaam paaxeer ke nu mbi’kaa na kid no Yaal oxe, mbuuxnoortin ke xa ƥay nuun a njalna.»

Haahate we 2:19

Kaa koy, o kaahate xe xaa xonaa rek, da moƴ o mo’atin daan den, a ngiɓoor fo roog lakas, a mbaɗooxaa a den soo a ngungaa mbaambir den, a mbañ o mbaas a leng na pi a paaxeer ake den, ne’atiim o saƭik xoox den.