Mberaand 50:25 - NQAARIIT NE ROOG

²⁵ Yoseef a daaɓooxnoora xa ƥiy axe Isra’el ee: «A woora kañ ee xan Roog a ƴufgiid a nuun, fat boog nu sut xa kiiƈ es maa goƭna saax lene.»

Mberaand 50:25 Referans Kwoze

Yosuwe 24:32

Xa kiiƈ axe Yoseef Ii-isra’el we a ƥistiid’ina Misira a ngase Sikeem no ɗeg lanq olaa Yakoob a jikit’ina xa monjong teemeed xaaliis fa nqoolu na xa taan axe Hamoor fee sinjna teeru fee Sikeem. O ɗeg oleene koy, xa taan axe Yoseef njeg’atun.

A sutax ale 13:19

Maaga, Moyiis a ɓislooxa xa kiiƈ axe Yoseef, yaam Yoseef kaa xeɗ’u Ii-isra’el we da ndaaɓoox ee: «Boo andoona yee Roog a sutta a nuun no saax leeke, bo nu ndetaa, fat nu ƥisloox xa kiiƈ es.»

Hebre 11:22

O ngim tax’u ye Yoseef a helkaa fo xon, ta yegnit waxtu fee Ii-isra’el we a sutooxkaa no saax laa Misira, soo a lay itam ne saŋaŋaar um a gasitkeel a cinj fa nqon um.

A pi ake 7:16

Xa tal den a ƥise Sikeem, a ngasel na mboy alaa Abraham a jikit’ina xaaliis. A mboy aleene koy, na xa ƥiy Hamoor axe inoor’ina Sikeem a jikit’un.

Mberaand 50:5

Faap es kaa daaɓooxnoor’aam ee: ‹Andaam ee ndiiki um xon! Fat o gaskaam na mboy ale jikuuma no saax le Kanaan.› Kaam bug o ret boog, gasik a faap es, cinj kaaga um nomtooxiid.»

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

A sutax ale 3:17

Kaam ee xam sut a nuun Misira, me nu nqijtaa, soo ɓek a nuun kam saax le Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna, maa fo sis fo suum a ndaxritaa.›

A sutax ale 13:18

Ten taxu Roog a ɗapna xeet fee, da ndeef a ƭat ale na koƥ-a-ƥor ale, a njagin na Kal alaa no xeet laa. Neene Ii-isra’el we a inoortu Misira, a mbi o xod.

Ruut 1:6

Nowemi a yegta na xa saawit axaa Mowaab ee o Yaal oxe a ƴufgiida xeet um ye ta ci’na a den ndiig mbaax. Maaga, a bufooxa ndax ta nomtoox no saax laa Yudaa, ten fo seemir we ten.