Mberaand 50:2 - NQAARIIT NE ROOG

² Cinj kaaga, a hebla waawaadin we njalanooguuna yee: «Topatooxyo a faap es.» A ndalfooxa o ƭuum a Isra’el diwliin ndax yaqooxkee.

Mberaand 50:2 Referans Kwoze

2 Caloori ke 16:14

soo a gasel na mboy ale ta fi’in’ina kam a ƥak ale Dawid. O dal ole ten kaa doon’el no njong naa da njuum’ina qeeñe-xeeñe mayu kaa mbogreerna too jaajaxas cuuraay we a mbi’’un, soo a ngeƥandanin ƈulfaan maak.

Mberaand 50:26

Yoseef a xona ye ta jegna xa kiid teemeed fo xa kiid xarɓaxay. O dal ole ten a ɗuume soo a ɓekel kam kees maxte a ƥil maaga Misira.

Mark 16:1

Yaa bes faa na ñootnax alaa a faafna, Mari-Magdala fa Mari fee ya Saak fo o tew o ne’e Salome a njika ƭuumooxel, ndax da nqendandtikin o dal ole Yeesu.

Mace 26:12

Ye ta yipna ƭuumooxel keene no cer es, a mboy es a fi’anun.

YEGIL MBAAX NE YEESU ne Saŋ a bindtuuna 12:7

Yeesu a laya yee: «Xaƴeen ta fi’in ndiiki ta refik qendandir o dal es.

YEGIL MBAAX NE YEESU ne Lik a bindtuuna 24:1

No nqes naa na diiboor faa, rew we a ndeta ƥiiɓ teel na mboy alaa, a saq ƭuumooxel ke da nqendand’ina boo a ƈut.

Mark 14:8

A fi’a ke ta waagna, a yipanaxam ƭuumooxel no cer es boo a ƴut, too a mboy es a fi’anun.

Mberaand 27:41

Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

Mberaand 50:1

Yoseef a ƴufana mukit fee faap um, a naag ciic a lool soo a foonin.