Mberaand 50:19 - NQAARIIT NE ROOG

¹⁹ Yoseef a laya a den ee: «Ba nu saɗar dara! Kaam ref Roog?

Mberaand 50:19 Referans Kwoze

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

Mberaand 45:5

Ndiiki koy, ba nu njaq too ba nu njeg naa ɗomna a nuun yaam ne nu njikooxaxama boo um ɓisiidel mene. Roog kaa ɓisiidaam mene ndax um mucil a nuun.

Mberaand 30:2

Fuux le Yakoob a biltooxana a Rakel, soo ta layin ee: «Kaam ref Roog boo yaqanang fa ndim?»

Hebre 10:30

yaam i anda oxe layna yee: «Mi ndabdinax a helu, too mi na rabidkaa.» A doona teen ee: «O Yaal oxe xan a hate xeet um.»

2 Maad we 5:7

Yaa o maad oxe Isra’el a jangna o leetar ole boo a ƴut, a faara toki um, a lay ee: «Ndax kaam ref Roog, boo waag o war o kiin mbaat um ñoownin, boo a tax ta lultiidaxam o kiin ee ndax um wodandin na tik-a-maak um. Refee xire rek a bugu, a waaƭaa maa ta jegitna a ƭat na mi.»

Mace 14:27

Ndak fo ndak, Yeesu a laya a den ee: «Saƭakinooxyo! Ba nu ndiid! Mi yoo!»

A cangatin ale 32:35

Mi ndabdinax a helu, too mi na rabdaa. Xa caf den xan a send, yaam ñaal ne na naqad den a matiida, ke na cungaa a den a faambnoox.

Mberaand 50:18

Fog faap we Yoseef a ngarana a qoox den, a ngung na caf um, a layin ee: «Faɗ of i ndefu!»

Mberaand 50:20

Kaa nu yuuɓan’aam paaxeer, Roog a suptin paax, a fadin ke na xewaa ndiiki, soo a mucil o ñis no xeet fa maak.