Mberaand 50:13 - NQAARIIT NE ROOG

¹³ Xa ƥiy axe ten a ƥisaan no saax laa Kanaan, soo a ngasin no luf naa no ɓil laa kam o qol olaa refna Makpeela paam Mamre. Abraham jikit’u o qol olaaga na Efron, o Heeheet oxe, ta refat o jeg um olaa ta fi’na poy.

Mberaand 50:13 Referans Kwoze

A pi ake 7:16

Xa tal den a ƥise Sikeem, a ngasel na mboy alaa Abraham a jikit’ina xaaliis. A mboy aleene koy, na xa ƥiy Hamoor axe inoor’ina Sikeem a jikit’un.

2 Maad we 21:18

Manaase a daba daan um, a gasel kam a ƭing ale no mbind um xoyoogeena a ƭing ale Uusa, soo Amon fee o ƥeem a rondandin.

Mberaand 35:29

A xona a cinj ye ta nogoyna tigi, a dab daan um, soo Esawu fa Yakoob we xa ƥeem a ngasin.

Mberaand 35:27

Yakoob a fadiida maa Isaak fee faap um, maaga Mamre kam Kiryat-Arba, refna ref Hebron me Abraham fa Isaak a ndeeƭna xa kataakoon.

Mberaand 25:9

Isaak fa Isma’el we xa ƥeem a ngasaan no luf naa refna Makpeela kam o qol olaa jasnoorna fa Mamre, too Efron fee o ƥiy Soxar o Heeheet oxe a jeg’un.

Mberaand 23:20

O qol olaa fo luf naa refna taaga a refata o jeg Abraham maa ta fi’na poy, a xottin na xa taan axe Heet.

Mberaand 47:30

Yaa um dabkaa daan es, fat o sutit o dal ole mi Misira, gaskaam maa no daan es.» Yoseef a doonaan ee: «Xam fi’anong ke layoona.»

Mberaand 50:12

Neene, xa ƥiy axe Yakoob a mbi’a ke faap den a hebil’ina a den.

Mberaand 50:14

A cinj ye Yoseef a gasna a faap um, a nomtooxa Misira, ten fo fog faap um fo fop we yooniid’ina fo ten ye ta gasiidaa a faap um.

Mberaand 23:9

ta cooxaam luf naa refna Makpeela ta jegna no cat kaa no qol um. Fat a cooxaam o ten, um softin podne ta warna o jar na xaaliis. Neene, xan a refat a mboy alaa refna o jeg es a ndeer nuun.»

Mberaand 25:8

Abraham a xona a cinj ye ta jegna nogoy mbelu fo o xuuɗ-o-ñis. Cinj kaaga, a daba daan um.

Mberaand 46:4

Xam yoon fa wo Misira, too mi na nomtitiidkang maaga, too Yoseef fa xoox um o mat na ɗaapkaa a kid of.»