Mberaand 50:11 - NQAARIIT NE ROOG

¹¹ We ngenna no saax le Kanaan a nga’a o xaaraand olaaga reeƭna no cukand naa Ataad, soo a lay ee: «Kene koy refu o xaaraand o maak a ndeer no Miimisira we.» Ten taxu o mbiñ onqaaga refna kaltaa Yordaan a ne’el Abel-Misrayiim.

Mberaand 50:11 Referans Kwoze

Mberaand 24:6

Abraham a layaan ee: «Wootooxi ɓis maaga o ƥees!

1 Sami’el 6:18

Ƈoox wurus ke koy, kaa mbodir’u fo teeru cegu saŋe ke fo caate ke gelwaar ɓetuk we no Fiifilista we a kelfa’’ina. Boo no ñaal ne xaye sax, ɓil maak laa no qol Yosuwe fee Bet-Semes, da ndoon’ina arka ne no Yaal oxe, kaa maad o wetandoorteel keene.

A cangatin ale 11:30

Xa coong axeene kaa ndef kaltaa o xuluɓ ole Yordaan no saax o lakas ole na ƭat ale no mudand ne, kam saax le no Kaakanaan we ngenna na xa saawit axe Yordaan jasnoorna fa Gilgal, paam kariñ ke More.

A cangatin ale 3:27

Ŋaayi no jul ole no joong ole Pisga, o ɗeet no mudand fo no ɓemb-roog o janoon fo no ɓemb-roog o ñamaak fo no batand. Horooxeen a paax, yaam jootkiro a Yordaan fene.

A cangatin ale 3:25

Ci’aam um xaañ o xuluɓ ole, ndax um ga saax faaxu lene no mudand ne Yordaan, xa coong xa mosaan axaaga fo axe Libaŋ.›

Mberaand 50:10

Ye da mbadiidna Goren-Ataad refna kaltaa Yordaan, a nqaaraandaan maaga o xaaraand o maak, soo Yoseef a ñaawoox a faap um boo ñaal ɓetuu ƭik.

Mberaand 34:30

Maaga, Yakoob a laya a Simewon fa Lewi yee: «Nu ƥekaxam na qalam fo mbuuxir, ndeer es fo we ngenna no saax le no Kaakanaan we fo Peeperisi we. Mi fa xoox es, wiin mayeer jegum. Xan a mbokatooranaam, a mbaraam soo um saŋkoox fo ƥasil es.»

Mberaand 13:7

Nqasir a jega ndeer gaynaak we na xa siir axe Abram fo we na xa siir axe Lot. Na jamaane faaga, Kaakanaan we fo Peeperisi we maad’u o ngenaa saax le.

Mberaand 50:12

Neene, xa ƥiy axe Yakoob a mbi’a ke faap den a hebil’ina a den.