Mberaand 5:29 - NQAARIIT NE ROOG

²⁹ A ne’aan Nowe, a lay ee: «Oxene na yaalkaa a in no coono ke, no calel ƭomu ke lanq ke o Yaal oxe a salooxna a ndoonna a in.»

Mberaand 5:29 Referans Kwoze

2 Piyeer 2:5

Roog wuusee wiin we yaaga mbi’oogna pakaad. Nowe soom fee waare’oogna o cofel ole, a yoon fo wiin ɓetuu ɗik lakas, a mucil’u, ye ta saŋikna kam o jaɓ o maak ole wiin we ndeefoogeeruuna.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

Mace 24:37

Kaa xew’ina na jamaane faa Nowe na dakkaa o xew, yaa o Ƥeenqe no kiin oxe a garkaa.

Heseki’el 14:20

ne ta wooritna yee mexe ñoowaa, mi o Yaal oxe na refkaa boo faw layun, Nowe, Dañel fa Yob a ndeeƭangaa a ndeer saax le mucilkoogee xa ƥiy xa koor mbaat xa tew axe den, o cofel den, o ñis den soom a mucilkoogu.»

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Esayi 54:9

Xan a ref na mi xaye nen jamaane faa Nowe. Ne daaɓoorit’uuma yee saŋkitkatiim adna fee o jaɓ, mexe daaɓoortan neen ee fuuxankatiroong too ŋalkatiroong itam.

Mberaand 9:24

Yaa Nowe a salidna no way le ten, a yega ke mbat-fo-ɗeen ne ten a fi’’uuna.

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

YEGIL MBAAX NE YEESU ne Lik a bindtuuna 3:36

Selas a ref o ƥiy Kaynam, Kaynam a ref o ƥiy Arpaksad, Arpaksad a ref o ƥiy Seem, Seem a ref o ƥiy Nowe, Nowe a ref o ƥiy Lemek,

Mberaand 7:23

Roog a moocanda pindel ke ndeeƭna took lanq ke fop. Fop a moocande no lanq ke, Nowe fo we ndeeƭna fo ten na kaal ale soom yoq’u.

O leetar ole Pool a bindna GIMU WE NGENNA ROM 8:20

Pindel ke fop kaa yen no kaa jegeerna muj fa leng. Refee koy no kaa felna a den, ndaa Roog sax sax fi’un. Yaqanee koy yaakaar a jega,

Mberaand 5:28

Lemek a jega xa kiid teemeed fo xa kiid qarɓeen ɓetuu tadik fo xa kiid xa ƭaq, soo a rim o ƥiy o ngoor.

Mberaand 5:30

Cinj o rimel ole Nowe, Lemek a ñoowa xa kiid teemeed ƥetik fo xa kiid qarɓeen ɓetuu nahik fo xa kiid xa ƥetaq, a jeg’a xa ƥiy xa koor fo xa ƥiy xa tew.