Mberaand 5:24 - NQAARIIT NE ROOG

²⁴ Henok a ñaaƴa fa Roog, cinj kaaga, a naaga mes yaam Roog a yoɗin.

Mberaand 5:24 Referans Kwoze

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Mberaand 5:22

Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew.

YEGIL MBAAX NE YEESU ne Lik a bindtuuna 23:43

Yeesu a doonaan ee: «No ndigil, mexe layang ee: Xaye fee xaye sax o rok fa mi kam arjana.»

2 Maad we 2:11

Ye da maadna o ñaaƴaa, a layaa, a sareet fiɗel alaa humneena pis fiɗel a dalfooxa o gar, a xaaj a den. Maaga, Eliya a ŋaaya na asamaan kam a saaqul.

Mberaand 42:36

Yakoob fee faap den a laya a den ee: «Kaa nu ñaknooraxam, xa ƥees! Ee! Yoseef a mooca, Simewon ga’ataand, soo nu ndek mbugahin o ƥis a Bensame! Coono keene fop took es a mbodu!»

Mberaand 37:30

a nomtoox maa no fog faap we ten, a lay a den ee: «O goor ole refatee maaga. Mi koy, mam um jofkaa?»

Yeremi 31:15

Keeke o Yaal oxe a layu: «O wuuq a nane na saate faa Rama, ƭomatax fo xa lool xa ƭomu, Rakel na loolaa xa ƥeem too bugee o yaalel yaam maadatee.»

2 Maad we 2:1

Ye o Yaal oxe a yoɗaa a Eliya na asamaan kam a saaqul, kaa soƥ’u ta inoor Gilgal, a yoon fa Eliise.

Mace 2:18

«O wuuq a nane na saate faa Rama, xa lool fo ƭomatax maak, Rakel na loolaa xa ƥeem, too bugee o yaalel, yaam ñoowatee.»

Yudaa 1:14

Henok, o taan ɓetuu fa lengandeer xotitna na Aadama, a yegnita yaaga padafuleer kaa jofna na den ee: «Nan-gilooxyo, xan o Yaal oxe a gar, a yoon fo cuni-cuni ke mbogna fo ten.

Mberaand 5:23

Henok a ñoowa fop oo fop xa kiid teemeed tadik fo xa kiid qarɓeen ɓetuu fa leng fo xa kiid xa ƥetaq.

Mberaand 5:25

Metuseela a jega xa kiid teemeed fo xa kiid qarɓeen ɓetuu tadik fo xa kiid ɓetaa ƭaq, soo a rim a Lemek.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

Mberaand 24:40

soo ta doonaam ee: ‹O Yaal oxe reefuuma o bug ole ten, xan a heblanong malaaka um, soo a feland a ñaaƈ ale wo. Xan o waaƭanit o ƥees o ngoor onqe o tew no mbaafaap es.

2 Maad we 2:10

Eliya a layaan ee: «Xeɗaa kaa ɗomeena o jeg. Kaa koy, boo ga’axamoona, yaa um yoɗteel a paam of, xan o jegin, ndaa o ga’angiraam, jegkino.»

A kim a tedu ke 49:15

Kaa maƥel nen paal, a njagin jaaniif, fa nqon a gayaa a den. Wiin jofu we xan a nduut a den no feet olaa, o mosel den a sooƴ kam gamb le na saŋkax ale, da ngoƭ ngenand den.

A kim a tedu ke 73:24

Kaa o ɗoxtaxam yuuƥ of, boo pafat o jangaam no ndam of.

2 Maad we 2:12

Ye Eliise a ga’na keene, a refa no falalooxaa yee: «Faap es! Faap es! Wo hup’u a sareet-xire ke fo pis ke Isra’el fop.» Ye ta ga’ateeruuna, a dalfooxa o faar tikoorik ke ten ƭik.