Mberaand 5:22 - NQAARIIT NE ROOG

²² Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew.

Mberaand 5:22 Referans Kwoze

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Malaki 2:6

A cangin a tiindigil ale hatoogu no don um, too xa maaƥ mosee o sutoor no muuceek um. Kaa ñaaƴoogu fa mi na jam fee fo na kam fa letu too a sutta wiin mayu no pakaad den.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.

A kim a tedu ke 116:9

Kaam ñaaƴaa mbaambir no Yaal oxe took lanq ke no ñoow we.

A paɗax ale 26:12

Xam ñaaƴaa a ndeer nuun, ref Roog nuun, soo nu ndef xeet es.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

Efees 5:15

Mbootooxyo a paax boog na ñaaƈnooƭ nuun. Ba nu ndef nen waa ñakna o and ndaa nen jegu o and.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Mberaand 24:40

soo ta doonaam ee: ‹O Yaal oxe reefuuma o bug ole ten, xan a heblanong malaaka um, soo a feland a ñaaƈ ale wo. Xan o waaƭanit o ƥees o ngoor onqe o tew no mbaafaap es.

Kolos 4:5

A jega waa andoona yee ngimafulee. Kuu nu ndeerna fa den, fat nu ñaaƴnitin fo yiif, mbañ dara no daaw nuun a ref kasaara.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

A pi ake 9:31

O fog ole no gimu we a ref’ata na jam kam xa cegel axene fop: Yudee fa Galile fa Samari. Kaa jokooxoogu, a ñoowaa no saɗar o Yaal oxe, soo a xayaa no pexey o ndimle nqe no Yiif Tedu le.

Mise 4:5

Ke qeet ke fop a ñaaƴaa ñaaƴ no gon roog den fop oo, in o mat kaa i ñaaƴaa no gon no Yaal oxe Roog in ndiiki bo na moos boo moos.

Amos 3:3

«Ndax wiin ɗik a mbaaga o yoon, too nanooree?

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

A kim ale na kim ake 1:4

Damaam o ɓay, i ƈufloox! Wo o maad es, ɓekaam na ndok of. Xam ref no ɗaay, felakinoox yaam wo, kañ mbug of ne moƴna biiñ, yaam o bugong a ƭat oo.

A kim a tedu ke 128:1

A kim no ñaañaaƴ we yoo. Oxuu saɗarna o Yaal oxe, a reefaa a ƭat um, a ɗaaya.

A kim a tedu ke 86:11

O Yaal oxe, andnooraam a ƭat of, ndax um ñaaƴaa no ndigil of. Ci’aam xeeñ damooxu, ndax um saɗar gon of.

A kim a tedu ke 56:13

Wo Roog, xam fadin ke regoonga, ɓoxotong sadax fa ngidmir,

A kim a tedu ke 26:11

Mi o mat, kaam ñaaƴtaa ne ta helitna, wataam boog too yirmaam.

A kim a tedu ke 16:8

Kaam jasnooraa fo o Yaal oxe kili. A fodangaam na ñamaak, tolofkiim muk.

2 Maad we 20:3

«Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

1 Maad we 2:4

Yaaga, a woora yee xan o Yaal oxe a fadin a tegit um fa mi, ye ta layna yee: ‹Boo xa taan of a ngayna a pesoorooƭ den, a ñaaƴaa fo o woor mbaambir es na qeeñ den fop fo na xa laaw den fop, ñakkiro muk o leng na den oxaa rondandoonga took uum-maamaad le Isra’el.›

A cangatin ale 28:9

Nu ndeefangaa kebil ke no Yaal oxe Roog nuun, ñaaƴ na ƭat um, xan a fi a nuun xeet faa ta kesaneena, ne ta daaɓoortuuna fa nuun.

A cangatin ale 13:4

ba nu nan-giloox fa lay um. Fat nu and ee o Yaal oxe Roog nuun na ɗeetloortan a nuun boo a and, ndax nu mbexaan na qeeñ nuun fop fo na xa laaw nuun fop.

A cangatin ale 5:33

Fat nu ndeef deŋ a ƭat ale o Yaal oxe Roog nuun a fiisanna a nuun, ndax nu ñoow, ƭaay soo nquuɗ kam saax le nu njegkaa.»

A sutax ale 16:4

O Yaal oxe a laya a Moyiis ee: «Xam deɓaniid a nuun mbuuru, ta hatiid na asamaan. Fat xeet fee a sutoox, a ngurdaa ñaal oo ñaal ke da soxla’kaa. Neene, xam ɗeetloox a den boo ga, ndax xan a ndeef kebil es, ndax nam.

Mberaand 5:24

Henok a ñaaƴa fa Roog, cinj kaaga, a naaga mes yaam Roog a yoɗin.

1 Korint 7:17

No keene fop, fat o kiin oo kiin a ñaaƴ na ƭat ale Roog a halanuuna, a fi ke Roog a xoytuuna itam. Keene heblitum no pokatax ke no gimu we fop.

Mberaand 5:21

Henok a jega xa kiid qarɓeen ɓetuu fa leng fo xa kiid xa ƥetaq, soo a rim a Metuseela.

Mberaand 5:23

Henok a ñoowa fop oo fop xa kiid teemeed tadik fo xa kiid qarɓeen ɓetuu fa leng fo xa kiid xa ƥetaq.