Mberaand 49:8 - NQAARIIT NE ROOG

⁸ Wo Yudaa, fog faap of fop xan a simatong. Xan o ɓay of a dal no log no fañ of. Xa ƥiy axe faap of xan a ngung mbaambir of.

Mberaand 49:8 Referans Kwoze

Hebre 7:14

Ke woorna refu yee o Yaal in no kurcala le Yudaa a rimte, too Moyiis ne’ee o kurcala leene ye ta layaa kaa farna no saasadax we.

Mberaand 27:29

Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

1 Caloori ke 5:2

A carind ale Yudaa moƴ’atu o jeg doole a ndeer a carind ake no fog faap we ten, too no ten oxe na refkaa o maad Isra’el a inooru, ndaa a las taaw ale o mat Yoseef jeg’un.

Yosuwe 10:24

Ye da sutna maad weene boo a ƥisiid a den mbaambir Yosuwe, Yosuwe a xoya goor we Isra’el fop soo a lay aa-adax we no xiixire we yoon’ina fo ten ee: «Matiidyo, nu ndak maad weeke no nqooj.» Waaga a ndalfooxa o matiid soo a ndak a den no nqooj.

A cangatin ale 33:7

Keeke a layu na carind ale Yudaa: «O Yaal oxe, nan-gilooxi o ñuxur ole Yudaa soo nomtiid a den farna fa xeet den. A ñoxorana a carind a lakas ake. Dimle’i a den took no fañ we den.»

Mberaand 29:35

A rokahina o fud, a ñoot o ƥiy o ngoor, a lay ee: «No jaf leeke, xam simat o Yaal oxe.» Ten taxu ta ne oxaaga Yudaa. Maaga, a xaƴa fa ndim.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Mbeeñil 5:5

Maaga, o leng no maak we a layaxam ee: «Ba o loolat! Ga’iro xeƈa! Njogoy ne na carind ale Yudaa, refna o Ndaan onqe Dawid a maafa, ndax ta ñaƥit xa ñaas ɓetaa ƭaq axe na kayit ale, soo a dortin.»

Hebre 10:13

Ndiiki koy, oxaa maaga a cungaa boo yaa Roog a fi’kaa fañ we ten nen o dakand yoora a caf um.

Heseki’el 21:29

Ten taxu keeke o Yaal oxe na refkaa boo faw a layu: Feek nu mbetandta boom le nuun, ngulit tooñ nuun, mbeeñil nañ pakaad nuun kam a pi ake nuun fop, feek nu mbetandooxe, xan nu naangel nuus no ɓay.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

A kim a tedu ke 76:1

O yaal a ƭat ale no jeejeek we a xoolne yee a kim alene kaa yoonandteel o nqilimb. A kim a tedu laa fogna na ke Asaf oo.

2 Caloori ke 30:11

Kaa koy, goor leng-leng na carind ale Aseer fo na le Manaase fo na le Sabulon a anddilooxa tooñ den soo a ngar Yeerusaleem.

2 Caloori ke 17:2

A fi’a a yaj no xiixire kam teeru cegu saŋe ke Yudaa fop, kam saax le Yudaa fo kam teeru ke Efrayim, faap um Aasa a jaɓ’ina.

2 Caloori ke 15:9

Ii-isra’el mayu na carind ale Efrayim fo na le Manaase fo na le Simewon a nqaƴa saax den, a ngat Yudaa yaam ne da nga’na yee o Yaal oxe refu Roog fee Aasa too a reeƭa fo ten. O maad oxe a xoyna Yuuyudaa we fo Beebensame we fo we ngat’atna no saax um fop.

2 Caloori ke 14:8

Serax o Kuukuus oxe a songiida a den fo a yaj no xiixire laa fi’na cuni juni no goor fo a sareet-xire teemeed tadik. A ngara, a ndal Maresa.

2 Sami’el 24:9

Yowab a yegna o maad oxe ke ta jeg’ina na lim ale: Kam Isra’el a jeg’a goor cuni teemeed ɓetuu tadik waa mbaagna o ndet na xire, soo kam Yudaa ta jeg goor cuni teemeed ƥetik.

2 Sami’el 22:41

Kaa o ɗiiraa fañ we mi mbaambir es, soo um saŋkaa we sibaxama.

2 Sami’el 5:3

Neene maak we Isra’el fop a ngartu Hebron maa no maad oxaa, soo o maad Dawid a hiɓoor fa den maaga mbaambir no Yaal oxe. Cinj kaaga, a ndoda a Dawid o maad Isra’el.

Haahate we 20:18

Ii-isra’el we a inooxa a ndet Betel, ndax da laamit a Roog ee: «Alum na carind ake in na eetkaa o songik Beebensame we?» O Yaal oxe a doona yee: «A carind ale Yudaa na eetkaa o songik.»

A lim ale 26:22

Keene ndefu a qaw ake mbaqaqoorna na Yudaa. Ye da limeena, a ndeeƭa goor cuni qarɓeen ɓetuu ƭik fo cuni ɓetuu fa leng fo teemeed ƥetik.

A lim ale 10:14

We mbogna na carind ale Yudaa fo we ndal’ina fa den o mbiñ o leng eet’u o ƭisoox, a yoon fo a yaj den. Naason fee o ƥiy Aminadab adooxan’u a yaj ale na carind ale Yudaa,

Mberaand 46:12

Xa ƥiy axe Yudaa ndefu: Eer, Onan, Seelax, Peres fa Serax. Eer fa Onan koy ñakit’u no saax laa Kanaan. Xa ƥiy axe Peres ndefu: Hesron fa Xamul.

Mberaand 42:6

Yoseef kelfa a reeƭu kam saax laa. We no saax laa fop ten jikooxoogu a den bele. Fog faap we ten a ngara, a ngung a lanq mbaambir Yoseef.

1 Caloori ke 28:4

Yaag oo toox de, mi o Yaal oxe Roog fee Isra’el a jilu ndeer ƥasil ne faap es fop, ndax um ref o maad Isra’el boo kili. A jila a carind ale Yudaa ndax ta ɗoxaa xeet um, na Yudaa ta jil mbind faap es, soo no mbind faap es ta jilaam a ndeer xa ƥiy axe faap es, ndax um maadooxan a Isra’el fop.

Yosuwe 15:20

Keene ndefu xa piisel axe a qaw ake na carind ale Yudaa a ndaawna no lasir ne.