Mberaand 49:6 - NQAARIIT NE ROOG

⁶ Fogkiim no ngir den, koo yaasam baa yiif es a fog no nqel den. Kam fuux den a mbara goor, a ƭeg xa tod axe no qoox ke yaam ta fel a den soom.

Mberaand 49:6 Referans Kwoze

Mberaand 34:30

Maaga, Yakoob a laya a Simewon fa Lewi yee: «Nu ƥekaxam na qalam fo mbuuxir, ndeer es fo we ngenna no saax le no Kaakanaan we fo Peeperisi we. Mi fa xoox es, wiin mayeer jegum. Xan a mbokatooranaam, a mbaraam soo um saŋkoox fo ƥasil es.»

A kim a tedu ke 26:9

Ba o jangandooraam fo baabakaad we, xuufandoor o ñis es fo ole no wiin fo’oy we,

A kim a tedu ke 16:9

Ten taxu xeeñ es a may fo o ɗaay, o laaw es a felakinooxaa. Kaam gen no yaadax,

2 Korint 6:14

Ba nu mbog kadoor leng fo gimeer we, yaam ndefee yoon nuun we ngelna. Nam boog o cofel ole a waagu o xaariitoorit fo njofaƭar ne? Ndi nam a qoolaand ale a waagu o hiɓoorit fo niɓaan ole?

YEGIL MBAAX NE YEESU ne Lik a bindtuuna 12:19

Cinj kaaga, xam lay na xoox es ee: Wo o laaw es, jegaa paax mayu kaa geekanoona a xoox of boo xa kiid xa mayu. Naagi ñootnooxaa, ñaamaa, yeraa, felakinooxaa!›

Yeremi 15:17

Moofiim muk a ndeer no we na mbumbaayaa, ndax um ŋas. O ɓay o mayu katil ole wo a seraxam um moof sang es, yaam kaa o mayƭand’aam fo fuux.

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

A kim a tedu ke 64:2

Wo Roog, nan-gilooxi o ñuxur es, yaa um ɗomatooxaa. Saytooxi o ñis es no pañ oxe um saɗaraa.

A kim a tedu ke 57:8

Wo Roog, o laaw es a dala, kaam ee o laaw es a dala. Bugaam o xaanang soo xilmbanang.

Xa peƭit axe 12:5

A qalaat ake no jofu we no paax doŋ a njagnu, yuuƥ ke no soxodu we mat a ndef naanaxir ƥor.

Xa peƭit axe 1:11

A mbaagaang o lay ee: «Gari yoon fa in, i ƥeng o kiin, mbarin, ƭaapan a jaambuur mbog no kaa o leng a andeerna.

A kim a tedu ke 139:19

Wo Roog, ngela warnoori soxodu we! Nuun waawar we, ngoƭaamoo!

A kim a tedu ke 103:1

A kim alaa fogna na ke Dawid oo. O laaw es, simati o Yaal oxe, fop ke refna na mi a gidim gon tedu um.

A kim a tedu ke 43:5

O laaw es, xar taxu o naqadiloox soo iinaa kam es? Tee o cung a Roog, too and ee xam simatahinin, ten fee o Muumucil es fa Roog es.

A kim a tedu ke 42:11

A ben ake no fañ we mi kaa ƈaxaa xa kiiƈ es. Kaa da layaxam cay ee: «Wo o mat, taa Roog of?»

A kim a tedu ke 42:5

O laaw es oxe ɓutaa kam es, yaa um wetandooxaa jamaane fee ɓerooguuma a ndeer no faan le, ñaaƴaa fa den boo no Mbind Roog ne kam xa ƈeel axe fo o ngidim onqe no faan laa na ndoofandaa.

A kim a tedu ke 30:12

Suptaa ñaawax es o mbec o ɗaay. Wolanaxamo ndoki ñaawoor es soo rokanaam ndoki mboƭtir.

A kim a tedu ke 28:3

Ba o jangandooraam fo soxodu we fo we na mbi’aa njofaƭar, den we na layaa jam fo gend den, too a soƥa paaxeer ƥor a mbofu na qeeñ den.

A kim a tedu ke 5:10

Ke na hataa no don den deyaand o hooloox, a qeeñ den a mbof paaxeer, fa nqon soom na sutooraa na xa paƭanq den, ɗelem den a ref naanaxir ƥor.

A kim a tedu ke 1:1

Ndaw o ɗaay no xe reefkeerna xa as no soxodu we too laalkee baabakaad we, nqel um ta riƈatin xaaxaadnax we,

Haahate we 5:21

A ƈufnand ale Qiison a maƥa a den, a ƈufnand ale no camaane miñu kaa, a ƈufnand ale Qiison. Wo o laaw es, xoti a ƭat, saq njambaar!

A cangatin ale 27:24

‹Oxuu warna o kend um na pet a halakooxa!› Fat xeet fee fop a ndoon ee: ‹Amiini!›

Yosuwe 11:9

Yosuwe a fi’a a den ne o Yaal oxe a heblit’uuna o ten. A ɗega xa tod axe no pis ke soo a dox a sareet-xire ke den.

2 Sami’el 8:4

Dawid a janganaan ŋaaŋaay pis juni fo ŋaaŋaay pis teemeed ɓetuu ƭik, fo xiixire ñaañaaƴ cuni qarɓeen ƭik. A ɗega xa tod axe no pis ke fop, a cinj ye ta kesna teen teemeed.

1 Caloori ke 18:4

Dawid a janganaan a sareet-xire juni fo ŋaaŋaay pis cuni ɓetuu ƭik fo xiixire ñaañaaƴ cuni qarɓeen ƭik. A ɗega xa tod axe no pis ke fop, a cinj ye ta kesna teen teemeed.