Mberaand 49:28 - NQAARIIT NE ROOG

²⁸ Weene ndefu a carind xarɓaxay fo a carind a ƭak ake mbokatoorna, a ndef xeet fee Isra’el, too keene refu ke faap den a layna a den ye ta barke’aa a den. A barke’a a den oxuu refna no xos barke um.

Mberaand 49:28 Referans Kwoze

Mbeeñil 7:4

Maaga, nanaam we ñaas’eena a limeel boo no cuni teemeed fo cuni qarɓeen nahik fo cuni nahik na carind xarɓaxay fo a carind a ƭak ake Isra’el fop:

A pi ake 26:7

A carind xarɓaxay fo a carind a ƭak ake na xeet fee in a yaakaara o nga a tegit aleene a fadnoox, yaa da mbaɗooxaa a Roog fa doole, ñaal oo yeng oo. O maad Agiripa, yaakaar neene koy taxu Yaawuur we a njambaxam.

Esteer 8:11

Kam xa leetar axeene, kaa bind’el ee o maad oxe a ci’a Yaawuur we ndefna kam teeru ke fop, da mbaag o mbokatoor o mbiñ o leng, ndax da nqoxit a qoox den. A mbaag’a itam o moocand, a mbar too a saŋik yaal ƥonax kuu inoorna no jegel oluu ta refna fo na xeet fuu ta refna, ndax da song a den. A mbaag’a sax o mbar rew den fo xa ƥiy den soo a njang o jeg den.

Esteer 8:9

No ñaal leng kut naaga, fodir’ina fo ñaal qarɓeen ƭik fo ñaal tadik no nqool o ndadkandeer onqe, refna ref o nqool Siwan, biibind we no maad oxe a nqoye, ndax da mbind na xa leetar ke Mordokay a lalgandkaa a den. Xa leetar axeene a mbinde Yaawuur we fo we ndefanna o maad oxe fo gofornoor ke fo kelfa ke na xa cegel teemeed fo xa cegel qarɓeen ƭik fo xa cegel ɓetaa ƭaq axe no maat ne, a xotit no saax laa End a damik boo no laa Kuus. Kaa mbind’el na pindooƭ o jegel oluu refna, xeet fuu refna no ɗelem um, soo no Yaawuur we itam na pindooƭ den fo no ɗelem den.

Esteer 8:7

O maad Asuwerus a laya a lingeer Esteer fa Mordokay, o Yaawuur oxe yee: «Ci’aam a Esteer o jeg ole Haamaan fee war’eena, yaam ne ta bug’ina o sak Yaawuur we pexey.

1 Maad we 18:31

A janga a ƥil xarɓaxay fo a ƥil a ƭak, a reefandin no ne a carind ake na xa ƥiy axe Yakoob a mbodna. Yakoob feene o mat o Yaal oxe a lay’u yee: «Isra’el o ne’kateel.»

A lim ale 23:24

Xeet fene oxe jiŋ, a geenoox nen njogoy ƥasil. Wondooxkee a refangeerna kaa ƴax mbuufuɗag um, soo a yer fo’oy le no ke ta warna.»

Mberaand 35:22

Ye Isra’el a genna no jegel olaaga, Ruben a reta, a wondoox fa Bilha fee ngeƈ-a-salma ne faap um. Faap um a yega kaaga. Xa ƥiy axe Yakoob xarɓaxay fo ɗik a ndeeƭu.

Saak 1:1

Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

A sutax ale 28:21

No ɓil jafeñu luu refna, fat gon no leng na xa ƥiy xarɓaxay fo xa ƥiy xa ƭaq axe Isra’el a sexel teen, nen yaa ta soƥ’ina yee o anddiloor xoox of o sexnaa. A ƥil a cafeñu keene koy, xan a ndef betandoor na carind xarɓaxay fo a carind a ƭak ake Isra’el.

Mberaand 49:27

Bensame o mat, xan a ref a teeteem alaa na listaa. No nqes ne kaa waraa mbuufuɗag um, soo no kirand ne ta xaaj paax ke ta jaɓna.»

Mberaand 49:29

Cinj kaaga, a hebla a den ee: «Yaa um dabkaa daan es, fat nu ngaskaam maa no daan es no luf naa refna no qol olaa Efron o Heeheet oxe.

A cangatin ale 33:1

Keeke refu fa lay fee Moyiis fee o kiin Roog a barke’itna Ii-isra’el we, ye ta helkaa fo xon.