Mberaand 49:27 - NQAARIIT NE ROOG

²⁷ Bensame o mat, xan a ref a teeteem alaa na listaa. No nqes ne kaa waraa mbuufuɗag um, soo no kirand ne ta xaaj paax ke ta jaɓna.»

Mberaand 49:27 Referans Kwoze

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Haahate we 20:25

ndaa no ñaal naaga, Beebensame we a sutoorahina Gibe’a, a nqetiid fa den. A mbarahina no Ii-isra’el we goor cuni xarɓaxay fo goor cuni ɓetuu tadik waa yekooxna den fop laƥ.

Haahate we 20:21

Beebensame we a sutoora Gibe’a soo a mbar no ñaal naaga goor cuni qarɓeen ƭik fo goor cuni ƭik no Ii-isra’el we.

Mberaand 46:21

Xa ƥiy axe Bensame ndefu: Bela, Beker, Asbel, Gera, Naaman, Ehi, Roos, Mupiim, Hupiim fa Ardi.

Mberaand 35:18

Kaa koy, ne oxeene a xonoogna, a ref no laaŋaan, a ne’aan Ben-Oni, ndaa faap um a ne’aan Bensame.

Filip 3:5

mi fee xuceena yaa jeguuma ñaal ɓetuu tadik, ref o ƥiy Isra’el no kurcala le Bensame, ref o Hebre, Hebre a ndimaam. O Farisiya reeƭum, reefaa kebil ke,

A pi ake 20:29

Andaam o mat ee um retangaa, xan a jeg a cinj es xa moon xa kiihiin xa saɗarnooxu axaa ƥerexiidna kam nuun, a mbaaƭaa maa da salaxitna o siir ole.

A pi ake 9:1

Na pe akaaga koy, Sool a maad’a diirooxanaa daalbe we no Yaal oxe, ndax ta war a den. A soƥka o saasadax o maak oxaa,

A pi ake 8:3

Kaa koy, Sool o mat, kaa firɓandoogu o fog ole no gimu we, a rokaa kam pind ke, a damaa gimu we, goor fo rew, a wegnooraa a den kaso.

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

Mace 7:15

«Mbootooxyo we na ngaraa me nuun, soo a maaɓaa yee duleer oo. Kaa mbi’ooxaa nen paal, too yaaga fop a teeteem a baawar a ndefu.

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Heseki’el 22:25

Duleer we ten kaa ngukraa a ndeer um nen njogoy naa na ŋuuraa, a listaa mbuufuɗag um. Kaa da listaa wiin we, a njaɓaa kalal ke fo tig oo tig ke njegna o njiriiñ. A mayƭanda teen ñaaw we.

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

A cangatin ale 33:12

Keeke a layu na carind ale Bensame: «Kaa ndef we o Yaal oxe a fexna fex, a ngen no woor paam um. Oxe Took-ee-took kaa saytooxaa a den kili, a gen a ndeer den.»

A lim ale 23:24

Xeet fene oxe jiŋ, a geenoox nen njogoy ƥasil. Wondooxkee a refangeerna kaa ƴax mbuufuɗag um, soo a yer fo’oy le no ke ta warna.»

Mberaand 49:26

Parke ke faap of a njola parke ke na xa coong axe yaaga fo ke moƴna o faax no ke a ñaang ake yaa maam a ɗiisaa a kid a mbatna. Yaasam parke keene a mbudoox took xoox le Yoseef, no jug ole no kelwaar oxe a ndeer fog faap um.

Mberaand 49:28

Weene ndefu a carind xarɓaxay fo a carind a ƭak ake mbokatoorna, a ndef xeet fee Isra’el, too keene refu ke faap den a layna a den ye ta barke’aa a den. A barke’a a den oxuu refna no xos barke um.

A lim ale 34:21

na carind ale Bensame: Elidad fee o ƥiy Kislon,