Mberaand 49:25 - NQAARIIT NE ROOG

²⁵ Kaam ee, Roog fee na faap of xan a ƴufgiidong, o Cegu katil oxe xan a barke’ong. Yaasam ta fod took-ee-took a barke’tiidong a teƥ fo itam poofi ke na juwaam fee fo xa ƥiy xa mayu fo xa siir xa pagkatar.

Mberaand 49:25 Referans Kwoze

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 28:13

O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

Filip 4:19

Roog es koy, xan a ɗaxit coxla nuun fop halal um fo o ndam um na Kiristaa Yeesu.

A cangatin ale 8:17

Ba nu lay taa kam nuun boog ee doole nuun fo o saƭkel xa ƥay nuun ci’u a nuun halal feene.

1 Timote 4:8

yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

A cangatin ale 33:1

Keeke refu fa lay fee Moyiis fee o kiin Roog a barke’itna Ii-isra’el we, ye ta helkaa fo xon.

Mberaand 43:23

Jawdiin fee a doona a den ee: «Baa keene a jaaxɗand a nuun too ba nu saɗar! Roog fee nuun, refna ref Roog fee faap nuun ci’u a nuun xaaliis na xa saaku xe nuun. Xaaliis nuun kañ, daawaanum.» Cinj kaaga, a sutaniida a den a Simewon.

Mberaand 27:28

Yaasam Roog a ci’ong liim laa na hataa na asamaan fa barke fee na sutooraa no lanq ke, a ci’ong bele fa biiñ fa mbagkatar.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

A kim a tedu ke 85:12

Ndigil ne xan a saxit no lanq ke, o cofel a fudoortiid na asamaan.

Mberaand 28:21

um nomtooxangaa no mbind faap es fa jam, o Yaal oxe na refkaa Roog es.

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

Mberaand 35:3

Xan i inoox, ndet Betel. Xam maxan maaga o sadaxand a Roog fee ƴufig’axama a koom alaa fa naqad es too a reeƭu fa mi na ñaaƈ ale mi.»

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 32:9

Boo Esawu a garna, a yen took a leng na qaaj ake, ale yoqna xan a waag o daɗ.

Mberaand 48:3

Yakoob a laya a Yoseef ee: «Roog o Cegu katil oxe a feeñoor’axam Luus no saax laa Kanaan, soo a barke’aam.

A sutax ale 18:4

O lakas oxe koy, Eliyeseer a ne’’e, yaam kaa lay’u yee: «Roog fee na faap es a dimle’axam too a muclaxam no laƥ ne Firawon fee.»