Mberaand 49:22 - NQAARIIT NE ROOG

²² Yoseef xan a ref dugatin neepu no ndaxar mayu xa tim naa refna paam a cur. A naaq ake ten xan a nqay boo a yooroox saŋe ne.

Mberaand 49:22 Referans Kwoze

Mberaand 41:52

A ne’a o ƭikandeer oxe Efrayim yaam ee Roog a mayƭandaxam kam saax le jegit’uuma naqad.

A kim a tedu ke 128:3

O teef xan a nand nen ndaxar biiñ ndiirim kam mbind of, soo xa ƥeef a nand fo col taxar oliiw me widna o roon of.

Mberaand 46:27

Xa ƥiy xa ƭaq axe Yoseef ndimteena Misira a limtange, ƥasil ne Yakoob ngar’ina Misira fop oo fop a ndeeƭa wiin qarɓeen ɓetuu ƭik.

Heseki’el 19:11

Kaa jeg’u xa par xa maak xa mosu, axaa ndefoogatna xa samb no maad. Geel um kaa yoɗ’un, ta garit kol niɓu ke took. A waag’e o ga a paax na pexey geel um fo xa par xa mayu xe ten.

A kim a tedu ke 128:1

A kim no ñaañaaƴ we yoo. Oxuu saɗarna o Yaal oxe, a reefaa a ƭat um, a ɗaaya.

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

Mberaand 48:5

Ndiiki koy, xa ƥeef xa ƭaq axe ndimteena Misira ye um helkaa fo gar meen, mi na jegkaa a den. Efrayim fa Manaase xan a ndef xa ƥees nen a Ruben fa Simewon.

Mberaand 48:1

Yaa kaaga a faafna, Yoseef a yegniide yee: «Faap of kaa jir.» Yoseef a xota xa ƥiy xa koor xa ƭaq axe ten ndefna Manaase fa Efrayim, soo a ret.

Mberaand 49:23

Xaaxaaƴ a qali we kaa paaƈan, a nqaƴan a kas ake, soo a ŋalan.

A kim a tedu ke 80:10

Holtanaano maa ta xeƈna tigi, ta sax a paƴ, a may saax le fop.

Hoose 13:15

Efrayim a bug oo neep nen ndaxar a ndeer no fog um, ndaa nqeñ ne no batand xan a gar, buuƭ ne no Yaal oxe a yoɗoor na koƥ-a-ƥor ale. Xan a ŋiisin kas ke ten, a weerin a cur ake ten, kalal ke ten fo tig oo tig cegu njiriiñ ke ten fop a mbaltel.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,