A koom oxuu refna a lay ee: «Roog in oxey, no ten i ndoon’u yaakaar in, too ten o mat muclu a in. O Yaal oxe xey, no ten i ndoon’u yaakaar in. Fat i ndef no ɗaay too mbelakinoox na muc ale i ndaawitna no ten.»
cungaa yaa o Ƥeenqe ten a inoortiidkaa na asamaan. O Ƥeem onqeene koy, Roog a xontooxnooraan a ndeer no xon we. Ten refu Yeesu fee na wataa a in na qaw ale Roog na garaa.
Ey, bug’aam o ga wala a muc ale Isra’el na inoortiidkaa Siyoŋ? Yaa o Yaal oxe a supitkaa o roxanqol ole na xeet um, xan Yakoob a ref no ɗaay, Isra’el a felakinooxaa.
Yoseef fee genna Arimate, too a ref o koor o niwe no Mal maak naa a gara. Ten fa xoox um itam kaa cungoogu Maat ne Roog. A jeg’a njambaar naa ta retitna maa Pilaat, ndax ta xeɗin o dal ole Yeesu.
Ndiiki koy, o yaal mbind of a jaɓangaa, fat a doon fo o yaal mbind es refna o maad oxe Asuur. Kaa ta layin ee: ‹Xam cooxong pis cuni ƭik, a soƥangaa yee waagaa o jeg ŋaaŋaay den.›
Ga’angi, ne a kid ake no dag we a ngaantaa no ɓay no yaal den, ne a kid ake no ceefeer oxe a ngeleerooxtaa no ɓay no yaal um o tew, neene a kid in a ngeleerooxtu farna fo o Yaal oxe Roog in, boo yaa ta yirimkaa a in.
Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.
O Yaal oxe refu doole es, oxe um gimanaa, ten oxe muclaxama. Kaam simatan, yaam ten refu Roog es. Kaam ee mexe niwan, yaam ten refu Roog fee na faap es.
