Mberaand 49:14 - NQAARIIT NE ROOG

¹⁴ Isakaar o mat ngoŋka tigi yoo, naa na wondooxaa ndeer a ƥit ake.

Mberaand 49:14 Referans Kwoze

1 Caloori ke 12:32

Na genwal a carind ale Manaase goor cuni xarɓaxay fo goor cuni ɓetuu tadik a nqoye oxuu refna no gon um, ndax da ndet a ndalin a Dawid nen o maad.

Mberaand 30:18

Leya a laya yee: «Roog a saɗgaxam yaam ne janguuma o ceefeer es, cooxin o kor es.» A ne’a o goor olaa Isakaar.

A cangatin ale 33:18

Keeke a layu na carind ale Sabulon: «Nuun xa taan axe Sabulon, mbelakinooxyo, yaa nu ndetaa ngaraa. Nuun xa taan axe Isakaar, njegyo o ɗaay kam ƭiif ke nuun!

Haahate we 10:1

A cinj fa nqon fee Abimelek, Toola fee o ƥiy Puu’a, a ref o ndaan Dodo too a fog na carind ale Isakaar, a inooxa ndax ta wat a Isra’el. Samiir a genoogu, no joong olaa Efrayim.

Mberaand 49:15

A ga’a yee o mbiñ onqe ta wondooxna a faaxa, too saax le a fela. Kaa yoorin a kand um no suf ne, a ɓoxotoox no calel sertel.

A lim ale 32:16

A matiida a Moyiis, a layin ee: «Kaa i mbug rek o ƭingan a ked ake in soo maxan ƥasil ke in teeru cegu doole.

A kim a tedu ke 68:13

«Maad we fo a yaj no xiixire den a ngoda o joor!» Rew we yoqna no mbind naa owe lasraa ke jangit’eena na xire.

A kim a tedu ke 78:70

A jila a Dawid fee o tag um, a xottikin na ked paal akaa,