Mberaand 49:11 - NQAARIIT NE ROOG

¹¹ No ndaxar biiñ ne a bugko humaa o faam um, mol ne ta humin na naaq ale moƴna neep teen. Ndoki ne ten na biiñ fee a dapitkan, sabadoor um ta daptin o ngoon onqe na xa biiñ axe.

Mberaand 49:11 Referans Kwoze

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Mbeeñil 19:18

Ngaryo ñaam xa tal no maad fo xa tal kelfa no yaal kumnax fo xa tal yaal katil fo xa tal pis fo ŋaaŋaay den fo xa tal no wiin fop, faɗ fo jegu a qoox den, yaal toole fo we neewna doole.»

Mise 4:4

A koom, oxuu refna xan a yongaa na jam ɗuga ndaxar biiñ um fo ɗuga ndun um, too o leng jom’andkatee a den. Keene no don no Yaal oxe Hupna fop a hatu.

1 Maad we 4:20

Wiin we Yudaa fo we Isra’el kaa mayit’u nen pep lanq na ƥeeraamb o maag. Kaa ñaamoogu, a yeraa, a mbelakinooxaa.

2 Maad we 18:32

boo yaa um garkaa soo ɓis a nuun no saax laa nandna fo le nuun, no saax laa mayna bele fa biiñ, saax mayu ñaamel fo a ƭing taxar biiñ, saax mayu diwliin fo suum. Yaaga boog ke na taxkaa nu nqonaa mene, a taxa nu ñoowik maaga. Ba nu nan-giloox boog a Hiskiya, yaam kaa naxtaa a nuun ee: O Yaal oxe xan a mucil a in.

Mbeeñil 14:20

Xa biiñ axe a nolte kam o nirir ole tafil teeru fee. Maaga, fo’oy a sutoora no nirir ole, a xay boo ngap kilomeet teemeed tadik. O qooɗel um koy a reta boo a waag o laxaaɓ pis.

Mberaand 49:12

A kid ake ten kaa yaxig fa biiñ, a ñiiñ ake ten a ndanig fo fo sis.

A cangatin ale 8:7

«O Yaal oxe Roog nuun xan a rokin a nuun no saax faax, saax laa jegna a ƈufnand fo a cur fo poofi mayu kaa na mbaltaa na yulanq ake fo na xa coong axe,

A cangatin ale 8:8

saax laa jegna bele fa lorso fo taxar biiñ fo tun fo taxar goronaad, a jeg itam taxar oliiw fo suum,

A cangatin ale 32:14

A ci’a a den fo neew ole no naak ke fo fo sis ole no paal ke fo le no pambe ke fa neebam fee no fo mbaal ne fa fee na suk paal ake fo xa siir axe Basan fo a suk pambe ke fo ke moƴna o faax na bele fee, soo da yeraa foofi le na xa biiñ axe, biiñ fee ñolna.

Amos 9:13

Ñaal ke o qooxoox oxe a bugko kamasaa o saasaxad oxe, owey ngaraa. Kaam ee ñaal ke oxe na niraa fo xe na duufaa a mbugko kamasraa, owey a ngaraa. Maaga, xan o naat ee picit kam saax le, xa coong axe a neƥaa fo o ngoon. Mi o Yaal oxe layun.

Mbeeñil 7:7

na carind ale Simewon cuni xarɓaxay fo cuni ƭik, na carind ale Lewi cuni xarɓaxay fo cuni ƭik, na carind ale Isakaar cuni xarɓaxay fo cuni ƭik,