Mberaand 49:1 - NQAARIIT NE ROOG

¹ Yakoob a xoya xa ƥeem, a lay a den ee: «Mbokatooryo, um lay a nuun ke na xewkaa na nuun taa paam.

Mberaand 49:1 Referans Kwoze

A lim ale 24:14

Ndiiki koy, mexe dabaa xeet es, ndaa bo um helko fo retaa, cungi bo um maƭooxong ke Ii-isra’el we a mbi’kaa xeet of no camaane ke na ngaraa.»

Dañel 10:14

Ndiiki koy, kaam andnooriidong ke na dalkaa xeet of no ñaal palakaand ke, yaam mbeeñil nene itam kaa jagin no ñaal keene.›

Yeremi 23:20

Fuux le no Yaal oxe ɓooskee, boo yaa ta fi’kaa, a fadin yuuƥ ke no xeeñ um. Xan nu andin taa mbaambir.

A cangatin ale 4:30

Yaa keene fop a dalkaa a nuun, soo nu ndef na naqad, maaga no paktaand kaa xan nu nomtooxiid no Yaal oxe Roog nuun, nan-giloox o ñuxur um.

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Esayi 2:2

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too xan qeet ke fop a njagin teen.

A kim a tedu ke 105:15

«Ba nu nduq we ɗuumuuma, duleer es weene, ba nu mbi a den paaxeer!»

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

A cangatin ale 31:12

Fat nu mbokat xeet fee, goor we fo rew we fo xa caaƈ axe fo xa kataakoon axe na ndefkaa a ndeer nuun, ndax da nan soo a aqatoox o saɗar o Yaal oxe Roog nuun, a ngay ndax da ndeef fa lay fee no kebil keene fop.

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

2 Timote 3:1

Fat o and ee ñaal palakaand ke xan a yoonit coono ƭomu.

1 Timote 4:1

Kaa koy, Yiif le Roog kaa layaa a qool qac ee no ñaal palakaand ke xan leng-leng a mbes o ngim onqe a cinj, a saaƭoox na yiif a naanaxir, a ndeefaa a cangin cini.

A pi ake 2:17

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.

YEGIL MBAAX NE YEESU ne Lik a bindtuuna 2:26

too a yegin’aan ee xonkee muk, too ga’ee a Kiristaa fee refna o Muumucil oxe o Yaal oxe a regitna.

Mise 4:1

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too qeet ke xan a njagin teen.

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Dañel 10:1

No hiid o dadkandeer olaa no maat Kiirus fee o maad Persi, Dañel fee xoyoogeena itam Beltasaar a daawne mbeeñil. Ke ta daawneena ndigil kak oo, ndaa a xija lool soo a sogkan o dam, a and mbeeñil ne.

Dañel 2:47

Cinj kaaga, a laya a Dañel ee: «No ndigil Roog fee nuun hupu roog ke fop too ten kelfa’u maad we fop. Andaam ee ten soom na feeñlaa kunpa ke, feek tektanaxamo kunpa fene.»

Esayi 53:1

An gimu ke i nanna ta layteel? An anddu katil ne na ñamaak ale no Yaal oxe?

Esayi 39:6

‹Ga’angi, ñaal key a ngaraa kaa ke refna no mbind of fop fo ke daan of a ngeerna teen fop, a ɓiskeel Babilon. Dara yoqkee teen. Keene o Yaal oxe a layu.

Esayi 22:14

O Yaal oxe Hupna fop a yegnaxam ee tooñ neeke, nu mbaasankaand o ten muk boo yaa nu nqonkaa. Keene o Yaal oxe na refkaa boo faw Hupna fop a layu.

Hebre 13:1

Ngenyo no mbexraa a ndeer nuun nen waa ndefna fog na Kiristaa!

Esayi 48:14

Nuun fop, mbokatooryo too nan-giloox. Oxe o Yaal oxe a fexna xan a fadin ke ta yuuɓanna a Babilon, a ref o ɓay um ole na fi’kaa o bug ole ten took no Kaakalde we. Kaa koy, fum no pangool ke nuun feeñlu keene boog? Jegee fa leng.