Mberaand 48:7 - NQAARIIT NE ROOG

⁷ Ye inooruuma Padan, Rakel a xonta Kanaan na kid es, a soƥ i mbaambnoox a Efrata. Gasaanum maaga Betleheem, refna ref na ƭat ale Efrata.»

Mberaand 48:7 Referans Kwoze

Mace 2:18

«O wuuq a nane na saate faa Rama, xa lool fo ƭomatax maak, Rakel na loolaa xa ƥeem, too bugee o yaalel, yaam ñoowatee.»

Mberaand 35:9

Roog a feeñooxahina a Yakoob ye ta nomtoortiidaa Padan-Araam, soo a barke’in.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

1 Sami’el 17:12

Dawid koy, o ƥiy Isay, o Ee-efrata xe gen’ina Betleheem fee Yudaa a reeƭu. Isay a jeg’a xa ƥiy xa koor ɓetaa tadaq, too na jamaane Sawul a soƥ’a ta nogoyat lool.

1 Sami’el 10:2

A cinj yaa o inoorkaa me mi xaye, xan o soƥ goor ɗik paam a mboy alaa Rakel, no ŋat olaa Bensame refna Selsax. Xan a layong ee: ‹Xa paam xa tew axe waaƭik’oona a mbeeña boo njaaxɗandatee a faap of, ndaa nuun a jambatataa boo a laamtooxaa yee: Xar warum o fi, ndax um ga o ƥees?›

1 Sami’el 1:1

A jeg’a o koor oxaa gen’ina na teeru faa Rama, na xa coong axaa Efrayim, a fog na qaw ale Suuf. Elkana a ne’’e, a fog no kurcala le Efrayim. Ten fa xoox um koy, o ƥiy Yeroham a reeƭu, Yeroham a ref o ƥiy Elihu, Elihu a ref o ƥiy Tohu, soo Tohu a ref o ƥiy Suuf.

Ruut 1:2

O koor oxeene Elimelek a ne’’e, o teem a ne’el Nowemi, soo xa ƥiy xa ƭaq axe den a ne’el Maxlon fa Kilyon. Na qaw ale Efrata a mbog’u, a ngen Betleheem no lanq kaa Yudaa. A ngara a ndal na xa saawit axaa Mowaab, a ngenaa maaga.

Mberaand 25:20

Isaak a jeg’a xa kiid qarɓeen nahik ye ta giligna a Rebeka fee o ƥiy Betwel o Aa-araam oxe gen’ina Padan-Araam, too a ref o cigeen Laban o Aa-araam oxe.

Mberaand 33:18

Ye ta inoorna Padan-Araam boo a gat, Yakoob a fadiida fa jam na teeru fee Sikeem kam saax laa Kanaan, soo a dal paam teeru faa.

Mberaand 35:20

Yakoob a sipa betandoor na mboy alaa Rakel. Kaaga refu betandoor ke na mboy alaa Rakel too oxe maadaa boo xaye.

Mberaand 48:6

Xa ƥiy axe o jegkaa a cinj den o mat xan a ndef xa ƥeef. No lam den xan da ne’el na kon no maag den.

1 Sami’el 16:4

Sami’el a fi’a ke o Yaal oxe a lay’uuna. Ye ta rokaa Betleheem, maak waa na teeru faa a nqetooxiidaan, a sendaa soo a laamtin ee: «Mbaar a kar ale wo mene jam soom oo?»