Mberaand 48:22 - NQAARIIT NE ROOG

²² Mi koy, ci’aaxoong a las alaa hupna ale no fog faap of, ale jaɓtuuma no Aa-amori we fo laƥ es fo a qali es.»

Mberaand 48:22 Referans Kwoze

YEGIL MBAAX NE YEESU ne Saŋ a bindtuuna 4:5

a fadiida na teeru fa leng no saax laa Samari. Teeru faaga, Sikaar a ne’e, a ref paam o qol olaa Yakoob a xuuyan’ina a Yoseef fee o ƥeem.

Yosuwe 24:32

Xa kiiƈ axe Yoseef Ii-isra’el we a ƥistiid’ina Misira a ngase Sikeem no ɗeg lanq olaa Yakoob a jikit’ina xa monjong teemeed xaaliis fa nqoolu na xa taan axe Hamoor fee sinjna teeru fee Sikeem. O ɗeg oleene koy, xa taan axe Yoseef njeg’atun.

1 Caloori ke 5:2

A carind ale Yudaa moƴ’atu o jeg doole a ndeer a carind ake no fog faap we ten, too no ten oxe na refkaa o maad Isra’el a inooru, ndaa a las taaw ale o mat Yoseef jeg’un.

Amos 2:9

Yaag oo toox de mi saŋku Aa-amori we na kid nuun, Aa-amori we mbodtoogna taxar seedar yaam a njigid, too a moƴ’u saƭik ngariñ. Ndax kaa fuuriim a paƴ den, ɓoor xa tim den na kid nuun!

Haahate we 11:23

O Yaal oxe Roog fee Isra’el a waaga rax Aa-amori we mbaambir Isra’el fee xeet um boo a ƴut, soo wo o mat, o bug o jegoox saax le den, ndi an refo?

A cangatin ale 21:17

Fat a jaɓ ee o ƥiy onqe no xe ta moƴeerna o bug refu taaw um tigi, too fat a cooxin a las a ƭak no lam ne, yaam o ƥiy onqeene eetu no ndet um soo a jeg a las taaw ale.»

Mberaand 34:28

A njanga a ked ake fo xa siir axe den, boo na xa paam axe den, ke reeƭna kam teeru fee fo ke reeƭna kam a koƥ ale.

Mberaand 33:19

A jikta na xa ƥiy axe Hamoor fee faap Sikeem o ɗeg lanq ole ta sip’ina ƭiif um, a jiktin xa monjong teemeed xaaliis.

Mberaand 15:16

No suk nahkandeer naa xan da nomtooxiid mene, yaam njofaƭar ne no Aa-amori we muukooxafulee.»

Heseki’el 47:13

Keeke o Yaal oxe na refkaa boo faw a layu: «Kene na ndefkaa xa ŋat axe no saax le nu lasrandkaa nen lam a carind xarɓaxay fo a carind a ƭak ake Isra’el. Yoseef xan a jeg a las a ƭak.

1 Caloori ke 1:14

Ten refu itam o taan no Yeeyebus we, Aa-amori we, Giigirgasi we,