Mberaand 48:17 - NQAARIIT NE ROOG

¹⁷ Yoseef a ga’a yee faap um kaa doon’u o ɓay um o ñamaak took xoox le Efrayim, too kaaga fel’iran. A dama o ɓay ole faap um ndax ta ɓakandin took xoox le Manaase.

Mberaand 48:17 Referans Kwoze

Mberaand 48:14

Isra’el a letna o ɓay um o ñamaak a doonin took xoox le Efrayim fee o ndeɓ, soo o ɓay um o janoon, ta doonin took xoox le Manaase. A and’a a paax koy ke ta fi’oogna fo xa ƥay axe ten, ke Manaase a reeƭna taaw fop oo.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

Xa peƭit axe 24:18

yaam ndik o Yaal oxe a ga’in, soo keene a feƭarin, fuux um a ɓoos no ten.

1 Caloori ke 21:7

A lim aleene koy fel’ee a Roog tus, soo ta xaw a Isra’el.

1 Maad we 16:25

Omri a fi’a kaa faaxeerna na kid no Yaal oxe. A fi’a sax kaa moƴna o faaxaƭar ke maad we adooxuuna fop, a mbi’’ina.

1 Sami’el 16:7

Kaa koy, o Yaal oxe a laya a Sami’el ee: «Baa ne ta jagna soo a jeg a keen a yul a ngid of, yaam jilinum. Naagiim o ɗeetaa no ke wiin we a ƭeetaa. O kiin oxe, ke yulna a kid um rek a ɗeetaa, ndaa mi fee o Yaal oxe o mat, kam ee kam xeeñ um ɗeetaa.»

A lim ale 22:34

Balam a laya malaaka fee no Yaal oxe yee: «Bakaadaam, yaam and’iim ee wo geenoox’u mbaambir es na ƭat ale. Ndiiki koy, o jaf es oleeke a felangirang, xam nomtoox xaad.»

A lim ale 11:1

Xeet faa a ñuxmatilooxa, too yaa o Yaal oxe a nanuuna, a feƭar’aan lool. Fuux um a dalfooxa o biltoox, fiɗel um a damit a ndeer den soo a raaɓ cat ke no saŋe ne.

Mberaand 38:10

Ke ta fi’oogna a feƭar’a o Yaal oxe, soo ta warin, ten itam.

Mberaand 28:8

Neene, Esawu a and’ata yee roog Kaakanaan we mbel’ee a Isaak fee faap um.

Mberaand 48:18

A laya a faap um ee: «Baa, refee neene de, yaam oxene refu taaw fee. Dooni o ɓay of o ñamaak took xoox um.»

Yosuwe 17:1

Xa taan axe Manaase fee taaw Yoseef a ndaaw’a itam a las den na pexey mbanjang ne. Makiir fee taaw Manaase too a ref faap Galaad a las’e o jegel olaa Galaad fo ole Basan no batand naa Yordaan, yaam ne ta reeƭna o qir o say.