Mberaand 48:16 - NQAARIIT NE ROOG

¹⁶ yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

Mberaand 48:16 Referans Kwoze

A kim a tedu ke 34:22

O soxodu xe koy, kañaan um na warkan, soo fañ we no cofu xe a qicaa hate took den.

Mberaand 49:22

Yoseef xan a ref dugatin neepu no ndaxar mayu xa tim naa refna paam a cur. A naaq ake ten xan a nqay boo a yooroox saŋe ne.

Mberaand 48:5

Ndiiki koy, xa ƥeef xa ƭaq axe ndimteena Misira ye um helkaa fo gar meen, mi na jegkaa a den. Efrayim fa Manaase xan a ndef xa ƥees nen a Ruben fa Simewon.

2 Timote 4:18

Xan o Yaal oxe a muclaam no pariƴ kuu ndefna, a muclaam ndax um rok no Maat um naa na asamaan. Yaasam ta ɓoxotel o ndam bo na moos boo moos. Amiini.

Yosuwe 17:17

Maaga, Yosuwe a laya xa taan axe Yoseef ndefna a carind ale Efrayim fo ale Manaase yee: «Feek kaa nu may too njeg doole, xan nu njeg kaa hupna a las a leng no saax le.

Hebre 11:21

O ngim tax’u Yakoob a barke oxuu refna na xa ƥiy xa ƭaq axe Yoseef, soo a xonkaa. Kaa jokandoox’u no loq um, a faɗoox a Roog.

A pi ake 15:17

ndax ke yoqna no wiin we a mbaaƭaam, mi o Yaal oxe, qeet ke fop xoyuuma ndax um jeg a den.

YEGIL MBAAX NE YEESU ne Saŋ a bindtuuna 17:15

Xeɗiim koy, ndax o sut a den adna fee, ndaa o saytoox a den no paaxeer oxe.

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

A kim a tedu ke 121:7

Xan o Yaal oxe a saytooxong no paaxeer kuu ndefna, a saytoox o ñis of.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

1 Korint 10:9

Ba i ƭeetloox o Yaal oxe itam, ne leng-leng na den a mbi’it’uuna boo pangool a ngar, a mbar a den.

Amos 9:12

ndax ta pokook we yoqna na Edoom fo na saax ake gon es a ƴufginooroogeena. Mi o Yaal oxe layun, too xam fadnin.

1 Korint 10:4

a yer kaa refna a yer-yiif, yaam ɓil laa da yertoogna foofi laa, ɓil-yiif a reeƭu, too kaa reefanoogu a den muu refna. Ɓil laaga koy, Kiristaa a reeƭu.

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Yeremi 14:9

Xar taxu o ref nen o koor o caqu, nen a salma-koor alaa waageerna o mucil? Yaag oo toox de, woxey a ndeer in, wo o Yaal oxe, too kaa i kesanel a wo. Ba o xaƴ a in boog.

Esayi 47:4

O baawat in ne’e o Yaal oxe Hupna fop, o Tedu xe Isra’el.

A kim a tedu ke 34:7

Mi fee o ñaatu xe, wuuqaam, too o Yaal oxe a nanaxam soo a muclaam no naqad es fop.

A kim a tedu ke 34:2

Kaam gidmaa o Yaal oxe na waxtu fuu refna, gen no simatan kili.

2 Caloori ke 7:14

maaga, xeet es fee ci’uuma gon es a neewandooxangaa, a nqeɗ, a mbaaƭaam, soo a mbes a cinj a ƭat a paaxeer ale den, yaaga xam nan-giloorit a den na asamaan, waasanit paakaad den soo naatandahin saax den.

A cangatin ale 33:17

Kaa ref no Yaal oxe nen nqoox taawloore, a ref qaaƴoor um. Xa can axe ten kaa nandtaa xa can naak-a-koƥ, a ndef faan le Efrayim fo le Manaase, ta xawtaa a den qeet ke, a raxaa a den boo no cat adna.»

A cangatin ale 28:10

Xan qeet ke no lanq ke fop a nga ee kaa nu kesanel o Yaal oxe, too xan a saɗar a nuun.

A lim ale 1:46

a ndeeƭa cuni teemeed ɓetuu fa leng fo cuni tadik fo teemeed ƥetik fo qarɓeen ƥetik.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

Mberaand 32:28

O koor oxe a laamtaan ee: «Nam ne’ee?» A doonaan ee: «Yakoob.»

Mberaand 22:11

Maaga, malaaka no Yaal oxe a foda na asamaan, a xoy a Abraham, a layin ee: «Abraham! Abraham oow!» Abraham ee: «Oow!»

Mberaand 22:15

Malaaka fee no Yaal oxe a foda na asamaan, a xoy a Abraham jaf ɗikandeer,

Mberaand 46:3

Roog a layaan ee: «Mi refu Roog, Roog fee na faap of, ba o saɗar o ret Misira, yaam maaga um fi’itkang o refat xeet fa maak.

2 Sami’el 4:9

Kaa koy, Dawid a doona a Rekab fa Baana fee o maag um ndefna xa ƥiy Rimon fee Beerot ee: «Ne ta wooritna yee o Yaal oxe xe ñoowaa, ten fee sutaxama na naqad fuu refna,

Yeremi 15:21

Xam muclong no ɓay no soxodu we, watong no ɓay no wiin fo’oy we.»

1 Maad we 1:29

Maaga, o maad oxe a daaɓooxa yee: «Ne ta wooritna yee o Yaal oxe xe ñoowaa, ten fee wataxama na naqad fuu refna,

A kim a tedu ke 34:8

Malaaka fee no Yaal oxe kaa yetooxaa me widna we saɗaruuna too kaa muclaa a den.