Mberaand 48:15 - NQAARIIT NE ROOG

¹⁵ A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Mberaand 48:15 Referans Kwoze

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Kolos 2:6

Neene boog, ne nu njaɓna a Kiristaa Yeesu nen o Yaal nuun, ñoowyo fo ten.

Hebre 11:21

O ngim tax’u Yakoob a barke oxuu refna na xa ƥiy xa ƭaq axe Yoseef, soo a xonkaa. Kaa jokandoox’u no loq um, a faɗoox a Roog.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

1 Korint 10:31

Ta ref na ñaam mbaat na yer mbaat no lakas, mbi’yo fop na tedaanga Roog.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Yeremi 8:2

Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.

Esayi 33:16

Oxeene xan a gen no fo mbiñ ne took-ee-took, a ƥil a saƭku koŋ xan a ndef njaɓnooxand um. Xan a cooxel ñaamel boo ta dey sik, too foofi um daŋkee.»

Esayi 30:21

Nof of xan a nanit fa lay feeke a cinj of: ‹A ƭat ale ley, ñaaƴyo teen›, ta ref yaa o ɗapaa na ñamaak mbaat na janoon.

O baawaare xe 6:7

Ke o kiin a ŋus-ŋusnaa fop o fud um taxun. Yaag oo toox de taxee ta waag o deyƭoox.

O baawaare xe 5:18

Kaa sax o kiin oxuu Roog a lasna halal fo o jeg, a ci’in ta muudoorin, a xotaa teen a las um soo a felakinooxaa no onj um, kaaga ci’it Roog oo.

O baawaare xe 5:12

A jegahina o njakad onqaa ga’uuma took lanq ke: Ta ref halal fee na ɓekaa o yaal um na taamaala.

A kim a tedu ke 37:3

Hoolooxi o Yaal oxe soo fi’aa paax, ndax o yoq no saax le, ñoowaa teen fo o yaadax.

A kim a tedu ke 23:1

A kim a tedu laa fogna na ke Dawid oo. O Yaal oxe na gayaxam, ñakiim dara.

A kim a tedu ke 16:8

Kaam jasnooraa fo o Yaal oxe kili. A fodangaam na ñamaak, tolofkiim muk.

1 Maad we 3:6

Salomo a doonaan ee: «Lalaa o tag of Dawid fee faap es o paaxel of, yaam ne ta ñaaƴoogna mbaambir of fo o woor fo o cofel fo a ƭat. Xañino o paaxel o maak oleene too fi’aa boo o leng na xa ƥeem a moof no uum-maamaad le ten, ne i nga’tuuna xaye.

A cangatin ale 33:1

Keeke refu fa lay fee Moyiis fee o kiin Roog a barke’itna Ii-isra’el we, ye ta helkaa fo xon.

Mberaand 49:28

Weene ndefu a carind xarɓaxay fo a carind a ƭak ake mbokatoorna, a ndef xeet fee Isra’el, too keene refu ke faap den a layna a den ye ta barke’aa a den. A barke’a a den oxuu refna no xos barke um.

Mberaand 49:24

Kaa koy, a qali le ten oxey koŋ, xa ƥay xa cegu doole xe ten kaa mbaane, yaam ƈufig ne no Cegu katil oxe Yakoob, refna o Kaynaak oxe fo Ɓil le andoona yee teen Isra’el a diƈooxu.

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

Mberaand 28:22

Ɓil wetandoor leeke sipuuma na refkaa mbind Roog ne. Xam coox o Yaal oxe a seek xarɓaxayandeer ale no fop ke ta ci’kaxam.»

Mberaand 28:20

Yakoob a fi’a a tegit ee: «Roog a refangaa fa mi, a saytooxaxam na ñaaƈ es aleeke, a ci’aam ñoowir fo ñirax,

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 27:4

Fat o jawanaam o ten njaw mbelu ne bugtanuuma, soo ɓisiidaam o ten, um ñaamin, ndax um barke’ong bo um helko fo xonaa.»

Mberaand 24:20

A dalfooxa o yiƥadoox nqaw ne kam mbalka ne, soo a ƴuf a ƴeewkahinin. Naaga, a ƴeewana keeleemb ke fop.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

A sutax ale 3:16

Reti fokat maak we Isra’el fop too lay a den ee: O Yaal oxe refna Roog fee no daan we nuun, a ref Roog fee Abraham fa Roog fee Isaak fa Roog fee Yakoob, a feeñooxaxam. Kaa tee: ‹Ga’aam a nuun too andaam ke nu ndooneel Misira.

A sutax ale 4:5

O Yaal oxe a layaan ee: «Keene xan a lal a den, da ngim ee mi o Yaal oxe refna Roog fee no daan we den, ref Roog fee Abraham fa Roog fee Isaak fa Roog fee Yakoob, feeñooxong.»

1 Caloori ke 5:1

We na ngaraa taa mbaambir ndefu xa ƥiy axe Ruben fee taaw Isra’el. Ruben refu taaw, ndaa cinj ye ta wondooxna fo o leng no rew we faap um, a las taaw ale ten a cooxe a Yoseef fee refna ten itam o ƥiy Isra’el, too Ruben a ɗeet’ate nen oxaa ñakna a las taaw ale ten.

Mberaand 24:40

soo ta doonaam ee: ‹O Yaal oxe reefuuma o bug ole ten, xan a heblanong malaaka um, soo a feland a ñaaƈ ale wo. Xan o waaƭanit o ƥees o ngoor onqe o tew no mbaafaap es.

Mberaand 27:27

Yakoob a matiidaan, a farakooxin. Isaak a duñnooxa tikoorik ke Esawu ta rokoox’ina. Cinj kaaga, a barke’aan ee: «Tuñ ke no ƥees kaa nand nen tuñ o qol o naatu laa o Yaal oxe a barke’na.

Mberaand 35:3

Xan i inoox, ndet Betel. Xam maxan maaga o sadaxand a Roog fee ƴufig’axama a koom alaa fa naqad es too a reeƭu fa mi na ñaaƈ ale mi.»

Mberaand 49:22

Yoseef xan a ref dugatin neepu no ndaxar mayu xa tim naa refna paam a cur. A naaq ake ten xan a nqay boo a yooroox saŋe ne.