Mberaand 48:14 - NQAARIIT NE ROOG

¹⁴ Isra’el a letna o ɓay um o ñamaak a doonin took xoox le Efrayim fee o ndeɓ, soo o ɓay um o janoon, ta doonin took xoox le Manaase. A and’a a paax koy ke ta fi’oogna fo xa ƥay axe ten, ke Manaase a reeƭna taaw fop oo.

Mberaand 48:14 Referans Kwoze

Mberaand 41:51

Yoseef a ne’a taaw fee ten Manaase yaam ee Roog a weecnooraxam coono ke mi fop fo mbind faap es fop.

1 Timote 5:22

Fat o fi o ndang yaa o doonaa o kiin xa ƥay, yaam o bug o roxondin o far kam mbokatax ne no gimu we. Ba o ñofandooxin muk, too ba o fokatoor fo lakas we na bakaad den. Yufti a xoox of, waaƭ o tedel.

1 Timote 4:14

Ba o yapatil ci’it ne doxnee’oona, too o daawtin na pexey we na njo’tanaa a Roog, a soƥ maak we no mbokatax ne no gimu we a ndoon xa ƥay den took xoox of, a nqeɗanang.

A pi ake 13:3

Maaga, a cinj ye da ngoorna, a nqeɗ boo a ƈut, a ndoona a den xa ƥay, soo a nqaƴ a den da ndet.

A pi ake 6:6

Cinj kaaga, a lala a den apootar waa. A nqeɗana a den, a ndoon xa ƥay took den.

YEGIL MBAAX NE YEESU ne Lik a bindtuuna 13:13

Yeesu a doona xa ƥay um took um itam, too ndak fo ndak a leta boo a simataa a Roog.

YEGIL MBAAX NE YEESU ne Lik a bindtuuna 4:40

No yaar olaa yaa njeeƈ ne a mudna, Yeesu a ɓisiide wiin mayu waa xa ƭomel xa pogreer a ndamna. A doona took no xuu refna o ɓay, too a wodand a den, den fop.

Mace 19:15

A doona a den xa ƥay. Cinj kaaga, a inooxa maaga.

Mace 19:13

Yeesu a ɓisiide xa teɓandoong xa tutuuñ, ndax ta doon a den xa ƥay, a xeɗan a den, ndaa daalbe waa a nqasana waa ƥisiid’ina a den.

Mace 16:18

Mi koy, mexe layang ee: Wo refu Piyeer. Took ɓil leene um maxkaa o fog ole no gimu we mi. Fa nqon fee sax waagankiran dara.

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

A kim a tedu ke 118:16

A ñamaak no Yaal oxe kaa yoɗoox, a ñamaak no Yaal oxe kaa fi’aa a pi katil.»

A kim a tedu ke 110:1

A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

A cangatin ale 34:9

Yosuwe fee o ƥiy Nun a may’a fo yiif o and, yaam Moyiis kaa doon’u xa ƥay um took um. Ii-isra’el we a nanan’aan, ne o Yaal oxe a heblit’uuna a reefandin na Moyiis.

A lim ale 8:18

Kaam sofit Leelewi we taaw ke no Ii-isra’el we fop,

A lim ale 8:10

O matandiidangaa Leelewi we mbaambir es, mi o Yaal oxe, fat Ii-isra’el weene a ndoon a den xa ƥay.

A sutax ale 15:6

O Yaal oxe, ndaw doole na ñamaak of! Kaam ee a ñamaak of a duguña o pañ oxe.

Mberaand 48:18

A laya a faap um ee: «Baa, refee neene de, yaam oxene refu taaw fee. Dooni o ɓay of o ñamaak took xoox um.»

Mberaand 46:20

Yoseef a rimta fa Asnat kam Misira a Manaase fa Efrayim. Asnat koy o ƥiy Potifera fee reeƭna o saasadax na teeru faa On a reeƭu.

Mberaand 41:52

A ne’a o ƭikandeer oxe Efrayim yaam ee Roog a mayƭandaxam kam saax le jegit’uuma naqad.

Mberaand 48:13

Cinj kaaga, Yoseef a xota a den, den ɗik fop. A dama a Efrayim no ɓay o ñamaak, a farnin no ɓay o janoon ole Isra’el, soo Manaase ta damin no ɓay o janoon, a farnin no ɓay o ñamaak ole faap um.

Mberaand 48:17

Yoseef a ga’a yee faap um kaa doon’u o ɓay um o ñamaak took xoox le Efrayim, too kaaga fel’iran. A dama o ɓay ole faap um ndax ta ɓakandin took xoox le Manaase.

A lim ale 2:18

We mbogna na carind ale Efrayim, a laay a anddiloor den xan a ref farna fo mudand, too fat a ndal maaga, a reefandel na qaw den. Elisama fee o ƥiy Amihud na adooxankaa a den.