Mberaand 48:13 - NQAARIIT NE ROOG

¹³ Cinj kaaga, Yoseef a xota a den, den ɗik fop. A dama a Efrayim no ɓay o ñamaak, a farnin no ɓay o janoon ole Isra’el, soo Manaase ta damin no ɓay o janoon, a farnin no ɓay o ñamaak ole faap um.

Mberaand 48:13 Referans Kwoze

Mberaand 48:12

Yoseef a inta a den no kuɓay ke faap um, soo a gung a lanq.

Mberaand 48:14

Isra’el a letna o ɓay um o ñamaak a doonin took xoox le Efrayim fee o ndeɓ, soo o ɓay um o janoon, ta doonin took xoox le Manaase. A and’a a paax koy ke ta fi’oogna fo xa ƥay axe ten, ke Manaase a reeƭna taaw fop oo.

Mberaand 41:51

Yoseef a ne’a taaw fee ten Manaase yaam ee Roog a weecnooraxam coono ke mi fop fo mbind faap es fop.

Mberaand 46:20

Yoseef a rimta fa Asnat kam Misira a Manaase fa Efrayim. Asnat koy o ƥiy Potifera fee reeƭna o saasadax na teeru faa On a reeƭu.

A lim ale 26:28

A carind ake Manaase fa Efrayim saq’u xa taan axe Yoseef.

Mace 25:33

Xan a fi paal ke na ñamaak um, soo pambe ke, ta fi a den na janoon.