Mberaand 47:9 - NQAARIIT NE ROOG

⁹ Yakoob a doonaan ee: «Ñoowaam xa kiid teemeed fo xa kiid qarɓeen tadik no molaan. Xa kiid axe mi mayee dara too a mbeƭar, ndaawee ke daan es a ñoowna no molaan.»

Mberaand 47:9 Referans Kwoze

A kim a tedu ke 39:12

Kaa o yaraa o kiin oxe, yaa o xawtan tooñ um, ŋereñaa ke ta moƴna o bug nen max. Ndigil oo, wiin we fop nqeñ doŋ a ndefu. A maaf

Mberaand 35:28

Isaak a ñoowa fop oo fop xa kiid teemeed fo xa kiid qarɓeen ɓetuu tadik.

A kim a tedu ke 39:5

O Yaal oxe, andnooraam ee xan o ñoow es a fag. Kaam ee andnooraam ee o ñoow es a jega hap, ndax um and ne xuuɗaƭartuuma.

Ke bindeena no xe ne’eena YOB 14:1

O kiin kaa rimel fo o neew doole too waaganee a xoox um dara. O ñoow um kaa raƥ soo a may coono.

Yosuwe 24:29

A cinj yaa kaaga fop a xewna, Yosuwe fee o ƥiy Nun too a ref o tag no Yaal oxe a xona, ye ta jegna xa kiid teemeed fo xa kiid xarɓaxay.

A cangatin ale 34:7

Moyiis a jeg’a xa kiid teemeed fo xa kiid qarɓeen ƭik soo a xonkaa. O ga ole ten niifaar’ee dara, too doole um fag’ee.

A sutax ale 7:7

Moyiis a jeg’a xa kiid qarɓeen ɓetuu tadik, soo Aaroon a jeg xa kiid qarɓeen ɓetuu tadik fo xa kiid xa tadaq, ye da layaa fa Firawon fee.

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

Mberaand 50:26

Yoseef a xona ye ta jegna xa kiid teemeed fo xa kiid xarɓaxay. O dal ole ten a ɗuume soo a ɓekel kam kees maxte a ƥil maaga Misira.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Saak 4:14

Nuun we na laytaa naaga, ndax nu anda ke na xewkaa o feet? Kaa nu ndef nen liim: Njeeƈ ne a xawangaan ta sam.

A kim a tedu ke 119:54

A kim es fop ke dalnoona yoo kam mbind neeke refuuma o tak-o-faaf.

A kim a tedu ke 119:19

O gataakoon refum took lanq ke, ba o ɗasnaam kebil of.

Mberaand 47:28

Yakoob a ñoowa xa kiid xarɓaxay fo xa kiid ɓetaa ƭaq kam saax le Misira. A ñoowa fop oo fop xa kiid teemeed fo xa kiid qarɓeen nahik fo xa kiid ɓetaa ƭaq.

Mberaand 11:11

Cinj o rimel ole Arpaksad, Seem a ñoowa xa kiid teemeed ƥetik, a jeg’a xa ƥiy xa koor fo xa ƥiy xa tew.

Hebre 13:14

Kaa i mbaaƭaa ngenand ne na garaa, yaam ngenand in na adna feeke miñkee.

1 Caloori ke 29:15

Kaa i ndef mbaambir of genar fo xa kataakoon nen daan in fop, ñaal ke in took lanq ke a ndef nen yook too i njegee yaakaar leng.

Mberaand 5:27

Metuseela a ñoowa fop oo fop xa kiid teemeed ɓetuu nahik fo xa kiid qarɓeen ɓetuu fa leng fo xa kiid ɓetaa nahaq, soo a xonkaa.

2 Korint 5:6

Kaa i may boog fo njambaar kili, too i anda yee feek in we ñoowaa no cer in keene, i matafulee ngenand ne no Yaal oxe.

Mberaand 47:8

Firawon fee a laamta a Yakoob ee: «Xa kiid xa podnum jego?»

A kim a tedu ke 39:13

O Yaal oxe, nan-gilooxi a qeƭ es, rung nof no ƈufginax es! Ba o nuunufaanoox xa lool axe mi, yaam o kenar refum na adna, o tak-a-faaf nen daan es fop.