Mberaand 47:6 - NQAARIIT NE ROOG

⁶ saax le Misira yoo xeene, dalni a faap of fo fog faap we wo no mbiñ onqe moƴna o faax no saax le. Fat a ngen boog no jegel olaa Goseen, too a soƥangaa yee a jega na den waa mbaagna o saq xa siir axe mi, dalni a den da saqin.»

Mberaand 47:6 Referans Kwoze

A sutax ale 18:21

Jili ndeer xeet fee fop wiin deyu waa saɗarna a Roog, a saɗ ndigil, a mbañ oxaa gerna a den. No wiin juni wuu ndefna fo no wiin teemeed wuu ndefna fo no wiin qarɓeen ƥetik wuu ndefna fo no wiin xarɓaxay wuu ndefna, dodi o leng no weene jiloona, ta adooxan a den.

Mberaand 47:11

Yoseef a dalna a faap um fo fog faap we ten, a coox a den lanq kam saax le Misira no mbiñ onqe moƴ’ina o faax no saax le, no jegel olaa Ramses ne Firawon fee a heblit’uuna.

Xa peƭit axe 22:29

Muu ga’oona oxaa waane’na no ke ta jalaa, o mboƭomsogor jalnoorkiran, ndaa o maad oxe.

2 Caloori ke 26:10

A maxa itam xa yetooxand kam xa cegel axe na koƥ-a-ƥor ale, a waq kas mayu yaam kaa jeg’u xa siir xa maak. A jeg’a itam xooxoox no saax le a lanq fo na xa saawit axe, a jeg ɗiiɗing taxar biiñ na xa coong axe fo kam Karmel, yaam o kiin o pexu a qooq a reeƭu.

A sutax ale 18:25

Maaga, Moyiis a jila wiin deyu, a dod a den da adooxan xeet fee: wiin juni wuu ndefna fo o aa-adax den, wiin teemeed wuu ndefna fo o aa-adax den, wiin qarɓeen ƥetik wuu ndefna fo o aa-adax den, soo wiin xarɓaxay wuu ndefna fo o aa-adax den.

Mberaand 47:4

A layahina a Firawon fee yee: «Kaa i ngar nen xa kataakoon no saax le, yaam cegel ke no dag of njegatee sen maa da suufna, biim le kaa ɗom lool no saax laa Kanaan. Ngela ci’i dag of da ngenik no jegel olaa Goseen.»

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

1 Sami’el 21:7

Maaga, o saasadax oxe a ci’aan na xa kaf puuru xaa ƥoxoteena o Yaal oxe, yaam jeg’ee lakas. Xa kaf axeene kaa nqotit’el mbaambir no Yaal oxe soo a softel xa kaf xa sumu.

A sutax ale 9:21

ndaa we a ƭat den a yong’eerna na fa lay fee no Yaal oxe, a nqaƴa surga den fo xa siir den na xa qol axaa.

A sutax ale 9:10

Moyiis fa Aaroon a naqa ndaw, a soƥik a Firawon fee, too yaa da mbadna, Moyiis a deɓaan farna fa asamaan fee. A fi’a a ur, da ndam wiin we fo cegel ke.

Mberaand 47:16

Yoseef a doona a den ee: «Cooxaamoo xa siir axe nuun, um coox a nuun ñaamel, feek xaaliis jegatee.»

Mberaand 34:10

Xan nu ngen fa in, saax le a refan a nuun. Moofyo ndax nu njal soo njeg xa qol.»

Mberaand 20:15

Cinj kaaga, Abimelek a layaan ee: «Ga’i saax le fop oxey, muu feloonga dali teen.»

Mberaand 13:9

Saax le fop oxey mbaambir of! Retani a xoox of boog. O xotangaa na janoon, um xot na ñamaak, o xot na ñamaak, um xot na janoon.»

Mberaand 13:10

Lot a ƴooklooxa, a ga joor fee no xuluɓ ole Yordaan a xuƥ sap. Yaaga o Yaal oxe yaqafulee a Sodoom fa Gomoor, a ret’a boo Sowaar a nand nen a ƭing no Yaal oxe, nen saax laa Misira.

Mberaand 45:10

Xan o genik no jegel olaa Goseen ndax o mataam, wo fo xa ƥeef fo xa taan of, a ked ake fo xa siir axe fo fop ke jegoona.

Mberaand 46:34

fat nu ndoonin ee: ‹In we dag of, gaynaak waa na yaraa cegel i ndefu no kaa xotitna no ndeƥandoong in boo fa ndiik, ne daan in a ndefit’uuna.› Neene, xan nu mbaag o ngen no jegel ole Goseen, yaam Miimisira we kaa sib gaynaak cegel we.»

Mberaand 47:5

Firawon fee a laya a Yoseef ee: «Fog faap we wo fa faap of a ngara me wo kat,

1 Maad we 11:28

Yerobowam o fes o jegu doole too a jaflax a reeƭu. Ye Salomo a ga’na yee kaa fi’aa calel um ne waritna, a doxnaan a yetax ale no calel sertel ke na carind ale Yoseef.

Yeremi 40:4

Wo o mat, xam woktanong xaye ceen ke na xa ƥay of. O yoon fa mi Babilon a jofooxangaang, gari, too xam topatooxong a paax. Kaa koy, a jofooxangirang itam, ba o gar. Ɗeetangi, saax le fop oxey mbaambir of, reti muu jagooxoonga too a jofooxong.»