Mberaand 47:29 - NQAARIIT NE ROOG

²⁹ Ye ta andna yee ndiiki ta dab daan um, a xoya a Yoseef fee o ƥeem, a layin ee: «A soƥangaa yee daawaam yirmande of, dooni o ɓay of ɗuga a ñaal es too o fesoor fa mi o paaxel tigi. Ke um xeɗang refu yee: Ba o gasaam kam Misira.

Mberaand 47:29 Referans Kwoze

A cangatin ale 31:14

O Yaal oxe a laya a Moyiis ee: «Bes fee o xonkaa a matiida. Xoyi a Yosuwe, nu ngeenoox kam Ƭiif ne um xetteel, too xam heblin ke ta warna o fi.» Moyiis fa Yosuwe a ndeta, a ngeenoox no Ƭiif ne o Yaal oxe a xetteel.

Mberaand 24:49

Ndiiki koy, a soƥangaa yee o paaxel nuun fo ngor nuun owey no yaal mbind es, layaamoo, a refangee naaga itam, layaamoo rek, boo um waag o and no ke damuuna.»

Mberaand 24:2

Abraham a laya o tag oxe ten moƴ’ina o miñ no mbind um, too a topatooxaa o jeg ole ten ee: «Dooni o ɓay of ɗuga a ñaal es,

1 Maad we 2:1

Ye Dawid a andna yee fa nqon doŋ a yoqɗate, a moofna a Salomo fee o ƥeem, a cooxin xa as um ee:

Hebre 11:22

O ngim tax’u ye Yoseef a helkaa fo xon, ta yegnit waxtu fee Ii-isra’el we a sutooxkaa no saax laa Misira, soo a lay itam ne saŋaŋaar um a gasitkeel a cinj fa nqon um.

Hebre 9:27

O kiin, jaf leng kut a geekane ndax ta xon. Cinj kaaga, xan hate fee Roog a gar.

A kim a tedu ke 89:48

Wetandooxi yee o ñoow es kaa raƥ lool, and ee xa ƥiy Aadama xe sakoona ndefee dara.

A kim a tedu ke 49:9

Ndabid a bateer o laaw jegee hap. O kiin waagee o rabid a Roog kaa deyna muk,

A kim a tedu ke 49:7

Kaa ngooloox paax ke da njegna soo a mbakooraa kalal pagkatar ke den.

A kim a tedu ke 6:5

O Yaal oxe, geleerooxi farna fa mi, wataam, muclaam yaam o mbeq of,

Ke bindeena no xe ne’eena YOB 30:23

Andaam koy ee na fa nqon o ɓisaxam, me ñoow we fop a nqetkaa.

Ke bindeena no xe ne’eena YOB 14:14

Kaa koy, ndax o kiin a waaga xon soo a ñoowatin? Yaaga muñkoogaam boo yaa ñaal ke yoqteema a mbaafna, boo yaa oxe na jaɓankaxam a garna.

Ke bindeena no xe ne’eena YOB 7:1

O ñoow no kiin took lanq ke kaa nand fo ole no qiixire, ñaal ke ten a ndef nen ñaal no saadlaand.

2 Sami’el 14:14

A woora yee in fop xan i nqon soo nand nen foofi laa ɓaxeena a lanq too waagataand o hurid. Roog koy, naagee o inatinaa o qon, ndaa o maad oxe a jega pexey naa ta nomtitiidna oxe sut’eena saax le.

2 Sami’el 7:12

Hap of a fadangaa, boo o dab daan of, xam sutit na wo dugatin soo saƭkand maat um.

Mberaand 47:9

Yakoob a doonaan ee: «Ñoowaam xa kiid teemeed fo xa kiid qarɓeen tadik no molaan. Xa kiid axe mi mayee dara too a mbeƭar, ndaawee ke daan es a ñoowna no molaan.»

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

Mberaand 27:2

Isaak a layaan ee: «Me ta refna de, maakataam tigi, too andiim bes fee um xonkaa.

Mberaand 50:5

Faap es kaa daaɓooxnoor’aam ee: ‹Andaam ee ndiiki um xon! Fat o gaskaam na mboy ale jikuuma no saax le Kanaan.› Kaam bug o ret boog, gasik a faap es, cinj kaaga um nomtooxiid.»

1 Sami’el 26:10

A dakooxaan o lay ee: «Ne ta wooritna yee o Yaal oxe xe ñoowaa, neene a woortu yee o Yaal oxe fa xoox um na warkan, ta ref ee kaa hap um a fadkaa rek ta xon mbaat ta ret na xire, a xonit maaga.

2 Sami’el 2:32

Yowab fo goor we ten a ƥislooxa o dal ole Asa’el, a ngasin kam a mboy alaa faap um refna Betleheem. Cinj kaaga, a ñaaƴa o yeng ole fop soo a mbadiid Hebron, ye njeeƈ ne a wataa.

Mberaand 48:21

Isra’el a laya a Yoseef ee: «Andaam ee ndiiki um xon. Kaa koy, xan Roog a ref fa nuun, too xan a nomit a nuun no saax le no daan nuun.

Mberaand 50:12

Neene, xa ƥiy axe Yakoob a mbi’a ke faap den a hebil’ina a den.

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

Yosuwe 2:14

Goor waa a ndoonaan ee: «Boo nu layeerna o leng tig no kaa farna na kar ale in, yaasam i nqon ndox, yaa tig a damna a nuun. Xan i lal a nuun o paaxel in fo ngor in, yaa o Yaal oxe a ci’kaa a in saax lene.»

Yosuwe 23:14

Mi fa xoox es koy, andaam ee ndiik um inoox meen. Nu anda na qeeñ nuun fop fo no yiif nuun fop ee ke o Yaal oxe Roog nuun a reg’ina a nuun a fadnooxa, too a leng na tegit ake ten fe’ee a koƥ.