Mberaand 47:27 - NQAARIIT NE ROOG

²⁷ Isra’el fo ƥasil um a ngen’a kam Misira no jegel olaa Goseen. A mbaaƭa maaga halal, a ndimatir boo a mayat lool.

Mberaand 47:27 Referans Kwoze

Mberaand 46:3

Roog a layaan ee: «Mi refu Roog, Roog fee na faap of, ba o saɗar o ret Misira, yaam maaga um fi’itkang o refat xeet fa maak.

A sutax ale 1:7

Kaa koy, Ii-isra’el we a ndimatira, a mayat bo. A ƥaatooxa too a moƴa o njeg doole. Maaga, a suxa saax le fo wiin.

A pi ake 7:17

Ye waxtu fee Roog a war’ina o fadnit a tegit ale ta reg’ina a Abraham a faambnooxna, xeet in a ndimatira, a moƴ o mayaa kam Misira.

A kim a tedu ke 107:38

O Yaal oxe a barke’a a den, da mayat, too xaƴee cegel den da kasaara’oox.

Sakari 10:8

Xam wuuƴ a den, fokat a den, yaam xam wat a den, too xan a siwit ne da siwtoogna yaaga.

A kim a tedu ke 105:24

O Yaal oxe a fi’a xeet um a ndimatir, a ci’in ta hupat fañ um doole.

A cangatin ale 26:5

Maaga, fat nu layahin mbaambir no Yaal oxe Roog nuun ee: ‹O taan in kaa reeƭu o Aa-araam oxaa na molaa, too wiin leng-leng soom a yoonit’u, ye ta retaa Misira ndax ta ñoow maaga nen o gataakoon. Kaa koy, a ndeeƭata maaga xeet fa maak fa njegu doole too a may.

Mberaand 26:4

Xam mayƭand xa taan of, da mayit nen xa qoor axe na asamaan. Cooxe kene fop, xam ci’in xa taan of, too qeet ke no lanq ke fop na xa taan of a mbarke’itkeel,

Nehemi 9:23

Mayƭandaa xa taan den, da may boo nen xa qoor axe na asamaan. Roknaa a den kam saax le lay’oona daan den da njangkin.

A cangatin ale 10:22

Ye daan nuun a ndetaa Misira, yaaga wiin qarɓeen ɓetuu ƭik soom a ndeeƭu. Ndiiki koy, o Yaal oxe Roog nuun a mayƭanda a nuun boo nu mayit nen xa qoor axe na asamaan.»

A sutax ale 1:12

Kaa koy, nuu da moƴ’ina o toroxandtaa a den, neene Ii-isra’el we o mat a moƴ’u o maytaa soo a saqtaa. Keene a tax’a Ii-isra’el we a saɗarel lool.

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

Mberaand 17:6

Xam ci’ong xa taan xa mayu, qeet mayu a mbaqaqoor na wo, soo maad a sutoor na wo.

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Mberaand 8:9

Kaa koy, a nuukuur ale jeg’ee maa ta dongna, too a nomtooxiida na kaal ale, yaam foofi le kaa maad’u took lanq ke fop. Nowe a letna o ɓay um a xotin, soo a ɓekin kam a kaal ale, ta ref fo ten.

Mberaand 8:7

A xaƴa a tooq, ta retaa a garaa boo neen poofi ke a ŋiisu took lanq ke.

Mberaand 34:10

Xan nu ngen fa in, saax le a refan a nuun. Moofyo ndax nu njal soo njeg xa qol.»

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 47:11

Yoseef a dalna a faap um fo fog faap we ten, a coox a den lanq kam saax le Misira no mbiñ onqe moƴ’ina o faax no saax le, no jegel olaa Ramses ne Firawon fee a heblit’uuna.