Mberaand 47:26 - NQAARIIT NE ROOG

²⁶ Yoseef a dalna kaaga nen wargal faa na maadaa boo xaye no lanq ke Misira. A seek a ƥetkandeer aluu refna, Firawon fee na jegkan. Lanq ke no saasadax we soom Firawon fee a jeg’eeru.

Mberaand 47:26 Referans Kwoze

Mberaand 47:22

Kaa koy, jik’ee lanq ke no saasadax we, yaam kaa jeg’u kebil inooru na Firawon fee, too ke Firawon fee a cooxoogna a den a ñoowtoogu. Ten taxu boo saasadax we njikoox’ee lanq den.

Heseki’el 7:24

Xam ɓisiid qeet ke moƴna o ndef wiin fo’oy, ndax da njaɓ pind ke den. Xam xuuf o nga’atinax no yaal toole ke fo mbiñ fo tedu ne den a maasandel.

Mberaand 47:25

A ndoonaan ee: «Muclaa a in feek i ndaawa yirmande of, wo fee o yaal in, too i njaɓa o ndefik faɗ Firawon fee.»

Mberaand 14:20

Tedaanga a hela Roog fee Took-ee-took! Ten fee ɓoxotna fañ we wo na xa ƥay of.» Maaga, Abram a cooxaan a seek xarɓaxayandeer ale no ke ta jegna fop.

Mberaand 28:22

Ɓil wetandoor leeke sipuuma na refkaa mbind Roog ne. Xam coox o Yaal oxe a seek xarɓaxayandeer ale no fop ke ta ci’kaxam.»

Mberaand 41:34

Fat Firawon fee a xalaat a paax soo a dalin jaajal kam saax le ndax da mbokataa a seek a ƥetkandeer ale no saxade le kam Misira, na xa kiid ɓetaa ƭaq xa paax axe.

A paɗax ale 27:30

O Yaal oxe jegu a seek xarɓaxayandeer ale no ke lanq ke a mbatna fo na xa tim axe no taxar ke. Keene kaa ref kaa kesaneena o Yaal oxe.

A lim ale 18:21

O Yaal oxe a layahina yee: «Keeke refu ndabid ne cooxuuma Leelewi we no calel ke da mbi’aa kam Ƭiif ne um xetteel, mi o Yaal oxe. Cooxaam a den nen lam a seek xarɓaxayandeer ake na cooxteel kam Isra’el fop.

A cangatin ale 14:22

«O hiid oluu refna, fat nu mbatin a seek xarɓaxayandeer ake no saxade le nuun fo ke lanq ke nuun a mbatkaa.

A cangatin ale 26:12

«No hiid o dadkandeer oluu refna, ta ref o hiid ole na seek xarɓaxayandeer ale, yaa nu mbatinkaa a seek xarɓaxayandeer ake no ke nu njegkaa, fat nu cooxin Leelewi we fo xa kataakoon axe fo xa baan axe fo ñaaw we, ndax da njeg kaa da ñaamaa boo a naang tem no fo mbiñ ne nu ngenkaa.

Esdaraas 7:24

Mexe heblahinaa yee baa a bateer, juuti fo ndabid a ñaaƈ a ndabdinooxel saasadax we, Leelewi we, giigim we, yeeyetax we na xa ton-maax axe, diidimle we fo dag we no Mbind Roog neene.