Mberaand 47:22 - NQAARIIT NE ROOG

²² Kaa koy, jik’ee lanq ke no saasadax we, yaam kaa jeg’u kebil inooru na Firawon fee, too ke Firawon fee a cooxoogna a den a ñoowtoogu. Ten taxu boo saasadax we njikoox’ee lanq den.

Mberaand 47:22 Referans Kwoze

Esdaraas 7:24

Mexe heblahinaa yee baa a bateer, juuti fo ndabid a ñaaƈ a ndabdinooxel saasadax we, Leelewi we, giigim we, yeeyetax we na xa ton-maax axe, diidimle we fo dag we no Mbind Roog neene.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

2 Tesalonik 3:10

Refee yaaga i ndefna a paam nuun i coox’u a nuun wareef feeke yee: Oxuu jaɓeerna calel, deyaand o coox a ñaam.

Galati 6:6

Oxuu na jangneel Yegil mbaax ne fat a coox oxe na jangnan o ten tig oo tig paax ke ta soxla’na fop.

1 Korint 9:13

Ndax kaa a yiif nuun a naax ee we na ndagooxaa a Roog kam Mbind Roog ne fop, teen a ñoowtaa, we payna no sadaxand ole a ñoowtaa ke ɓoxotiideena no sadaxand ole?

Mace 10:10

mbaat o fof mbaat sabadoor ƭik mbaat xa ñaaƭ mbaat o loq, yaam oxe na jalaa a wara o ñaamaa.

Nehemi 13:10

Yegaam itam ee a las ake no Leelewi we cooxtoogataand, boo a tax Leelewi we fo giigim we no Mbind Roog ne saq’ina a paɗax ale a ƈuf, oxuu refna no qol um.

2 Sami’el 8:18

Benaya fee o ƥiy Yehoyada a adooxan Keekeret we fo Peepelet we yetooxoogna o maad oxe, soo xa ƥiy axe Dawid a kelfa weene fop.

A cangatin ale 12:19

Fat nu mbootoox o saganit Leelewi we no ñoow o ñis nuun fop kam saax nuun.

Mberaand 41:50

Ye o hiid o feraand ole no biim le a garna koy, yaaga Yoseef a jeg’a xa ƥiy xa koor xa ƭaq fa Asnat fee o ƥiy o ndew Potifera refna o saasadax On.

Mberaand 41:45

Firawon fee a ne’a a Yoseef Safenat-Pane’ah, soo a ci’in a Asnat fee o ƥiy o ndew Potifera. Potifera feene reeƭu o saasadax na teeru faa On. No kaa xotitna maaga, Yoseef a waagata o ret muu refna kam Misira.

Mberaand 14:18

Melkisedek fee o maad Saleem a ɓisiidaan puuru fa biiñ. Ten koy kaa reeƭu o saasadax Roog fee Took-ee-took.

Mberaand 47:21

Yoseef a sekta xeet fee, da ndet no teeru ke, xotitna no cat leng boo no cat lakas no saax le.

Mberaand 47:23

Yoseef a laya xeet faa yee: «Xaye, jikaam a nuun, nuun fo lanq nuun, boo Firawon fee jegatu a nuun. Ndiiki, ax ke wey, nu mbaaga o nduuf lanq ke.

Mberaand 47:26

Yoseef a dalna kaaga nen wargal faa na maadaa boo xaye no lanq ke Misira. A seek a ƥetkandeer aluu refna, Firawon fee na jegkan. Lanq ke no saasadax we soom Firawon fee a jeg’eeru.