Mberaand 47:19 - NQAARIIT NE ROOG

¹⁹ Ndax kaa i nqonkaa na kid of, soo lanq in njegankatee a in o njiriiñ? Jiki a in, in fo lanq in, coox a in ñaamel, i ndefik faɗ Firawon fee, in fo lanq in. Cooxi a in kaa i nduufna, ndax i nqonkee too lanq in mbeskee a pec.»

Mberaand 47:19 Referans Kwoze

Ke bindeena no xe ne’eena YOB 2:4

Saytaane a doona o Yaal oxe yee: «O ñis a jara kuu refna. Ke o kiin a jegna fop a jaɓaan o cooxit ndax ta mucil o ñis um.

A ƭomatax ake 5:9

Kaa i suƭaa xa ñis in na baaƭ ñaamel, yaa i mboñaa laƥ ne kam a koƥ-a-ƥor ale.

A ƭomatax ake 5:6

I letna xa ƥay farna fa Misira fa Asuur, ndax i njeg ñaamel.

A ƭomatax ake 1:11

Xeet fee ten fop owe iinaa, a mbaaƭaa ñaamel, a cooxtaa kalal ke den, ndax da njeg kaa da ñaamna, a njokoox. Oxe damtin na: «O Yaal oxe, ga’i ne xeefteema rek!»

Mace 16:26

Xar a jiriiñkaa o kiin ta jeg adna fee fop yaa ta ñakna o laaw um? Ndi xar o kiin a sofitkaa o laaw um?

Mberaand 47:15

Yaa xaaliis fee no saax le Misira fo no saax le Kanaan a fagna fop, Miimisira we fop a soƥiida a Yoseef, a layin ee: «Cooxi a in ñaamel! Ndax kaa i nqonkaa na kid of yaam ne xaaliis a jegateerna?»

Mberaand 47:18

Yaa o hiid olaaga a faafna, no hiid olaa took um a soƥiidahina a Yoseef, a layin ee: «O yaal in, a xoolaang ee xaaliis jegatee, xa siir axe in wo jegatu a den, too i yoqɗatee dara boog kaa i cooxoonga a refangee cer in fo lanq in.

Mberaand 47:20

Yoseef a jikana a Firawon fee lanq ke Misira fop. Miimisira we a njikooxaan xa qol axe den, yaam biim le a ɗom’atu na den. Saax le a reeƭata o jeg Firawon fee.

Mberaand 41:36

Ñoowir keene xan a ngeekanel saax le, ta jagandanel xa kiid ɓetaa ƭaq biim axe na njegkaa kam saax le Misira, ndax biim le moocandkee saax le.»