Mberaand 47:17 - NQAARIIT NE ROOG

¹⁷ A ƥisiidooga boog a Yoseef na xa siir axe den, ta cooxaa a den ñaamel kaa ta softaa cegel ke den, pis ke, a ked ake, xa siir axe fo xa paam axe, neene a cooxooga a den ñaamel o hiid olaaga fop, a softan cegel ke.

Mberaand 47:17 Referans Kwoze

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

Esayi 31:1

Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.

Ke bindeena no xe ne’eena YOB 2:4

Saytaane a doona o Yaal oxe yee: «O ñis a jara kuu refna. Ke o kiin a jegna fop a jaɓaan o cooxit ndax ta mucil o ñis um.

1 Maad we 10:28

Pis ke Salomo Misira fa Silisi a inoor’u. Jula we no maad oxe njiktikoogu a den maaga fa xaaliis.

A sutax ale 9:3

xan o ɓay ole no Yaal oxe a dal took xa siir of axe ndefna kam xa qol axe. Pis ke fo xa paam axe fo keeleemb ke fo naak ke fo a ked ake, xan a warit a den piste fa ƭomu.

Mberaand 47:16

Yoseef a doona a den ee: «Cooxaamoo xa siir axe nuun, um coox a nuun ñaamel, feek xaaliis jegatee.»

Mberaand 47:18

Yaa o hiid olaaga a faafna, no hiid olaa took um a soƥiidahina a Yoseef, a layin ee: «O yaal in, a xoolaang ee xaaliis jegatee, xa siir axe in wo jegatu a den, too i yoqɗatee dara boog kaa i cooxoonga a refangee cer in fo lanq in.