Mberaand 47:11 - NQAARIIT NE ROOG

¹¹ Yoseef a dalna a faap um fo fog faap we ten, a coox a den lanq kam saax le Misira no mbiñ onqe moƴ’ina o faax no saax le, no jegel olaa Ramses ne Firawon fee a heblit’uuna.

Mberaand 47:11 Referans Kwoze

A sutax ale 12:37

Ii-isra’el we a inoora na teeru faa Ramses, a mbaaƭik a Sukot too a ndeeƭa ngap goor cuni teemeed ɓetuu fa leng, too xa teɓandoong axe fo rew we fo nogoy we limtaand.

A sutax ale 1:11

Miimisira we a ndoda wiin, da adooxan calel ke no Ii-isra’el we, a ndoxondaa a den calel ƭomu. Neene mat a maxtu teeru ke Pitom fa Ramses, ndax da ndef taga ke Firawon fee, refna o maad Misira, a geeraa o jeg um.

Mberaand 47:6

saax le Misira yoo xeene, dalni a faap of fo fog faap we wo no mbiñ onqe moƴna o faax no saax le. Fat a ngen boog no jegel olaa Goseen, too a soƥangaa yee a jega na den waa mbaagna o saq xa siir axe mi, dalni a den da saqin.»

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

YEGIL MBAAX NE YEESU ne Saŋ a bindtuuna 14:2

Xa moofand xa mayu xaay no mbind Faap es. Kaaga a jeg’angee, laykooginum a nuun. Kaam jagandankaa a nuun koy maa nu moofna.

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

YEGIL MBAAX NE YEESU ne Saŋ a bindtuuna 10:10

O kuuɗ, nguuƭ fo a bar fo yaq na inan. Mi koy, kaam gar, ndax paal ke mi a njeg o ñoow, a njegin ta dey sik.

Mberaand 46:34

fat nu ndoonin ee: ‹In we dag of, gaynaak waa na yaraa cegel i ndefu no kaa xotitna no ndeƥandoong in boo fa ndiik, ne daan in a ndefit’uuna.› Neene, xan nu mbaag o ngen no jegel ole Goseen, yaam Miimisira we kaa sib gaynaak cegel we.»

Mberaand 47:27

Isra’el fo ƥasil um a ngen’a kam Misira no jegel olaa Goseen. A mbaaƭa maaga halal, a ndimatir boo a mayat lool.

A lim ale 33:3

No ñaal xarɓaxay fo ñaal ƥetkandeer ne no nqool o eetaand onqe no hiid ole, no feet olaa na Colandax a eetaand ale, Ii-isra’el we a inoora Ramses na kid no Miimisira we, yaam o Yaal oxe a farit’a a den.

Esayi 22:24

Mbaafaap um fop fo ne ta fodeena xan a lokoox teen: A naaq a maak ake fo xa yar xa teɓ axe, ƥaxañ ke moƴna o neew, a xotit na tokol ake boo na xa kuta xa maxte ƭok axe.